ទ្រព្យសម្បត្តិត្រូវបានមនុស្សទូទៅឱ្យតម្លៃបំផុត ជាពិសេសគឺមាសនិងប្រាក់នេះឯង តែដើម្បីបាននូវទ្រព្យសម្បត្តិទាំងនោះ គេត្រូវព្យាយាម ស្វះស្វែងរកដោយកម្លាំងកាយ ទាំងយប់ទាំងថ្ងៃទម្រាំតែបានមកត្រូវប្រឈមនឹងការលំបាកមិនតិចទេ។ តែត្រូវដឹងថា ទ្រព្យសម្បត្តិដែលយើងរកបានមកនេះ អាចជាអាវុធមុខពីរ បើចាយវាយត្រឹមត្រូវនឹងបានជាប្រយោជន៍…
ទ្រព្យសម្បត្តិត្រូវបានមនុស្សទូទៅឱ្យតម្លៃបំផុត ជាពិសេសគឺមាសនិងប្រាក់នេះឯង តែដើម្បីបាននូវទ្រព្យសម្បត្តិទាំងនោះ គេត្រូវព្យាយាម ស្វះស្វែងរកដោយកម្លាំងកាយ ទាំងយប់ទាំងថ្ងៃទម្រាំតែបានមកត្រូវប្រឈមនឹងការលំបាកមិនតិចទេ។ តែត្រូវដឹងថា ទ្រព្យសម្បត្តិដែលយើងរកបានមកនេះ អាចជាអាវុធមុខពីរ បើចាយវាយត្រឹមត្រូវនឹងបានជាប្រយោជន៍ តែបើចាយវាយខុសទំនងនឹងនាំទុក្ខដល់ខ្លួន ។
ពិតណាស់មនុស្សខ្លះរកទ្រព្យសម្បត្ដិ មាសប្រាក់បានមកហើយ គេចាយវាយប្រើប្រាស់ខុសគោលដៅ ឬមិនស្គាល់ប្រមាណក្នុងការចាយវាយ ប្រើ ប្រាស់រហូតក្លាយជាយកការបរិភោគនិយមដ៏ជំនាញទៅវិញ ជួនកាលក្លាយជាអ្នកស្រវឹងផង ជាអ្នកប្រមាទផង ដល់នូវសេចក្ដីប្រាថ្នាក្នុងកាមហួសប្រមាណផងហើយក៏ប្រព្រឹត្តមិនគប្បីចំពោះមនុស្សសត្វផងដែរ។
មនុស្សមួយចំនួនទៀតបានទ្រព្យមកហើយ យកទៅប្រើប្រាស់ក្នុងអំពើអបាយមុខទាំងឡាយ មិនតែប៉ុណ្ណោះគេភ្លេចតួនាទីរបស់ខ្លួន ជាអ្នកទទួលការខុសត្រូវ គ្រួសារទាំងមូល។ សាងអំពើមិនជាទីស្រឡាញ់ដល់ខ្លួនផង និងដល់សង្គមផង។
ទង្វើបែបនេះ ហៅថាគុណវិបត្តិនៃការប្រើប្រាស់ទ្រព្យសម្បត្តិ ដែលមនុស្សខ្លះនិយមធ្វើ។ ព្រះសម្មាសម្ពុទ្ធជាម្ចាស់ត្រាស់សម្តែងថា អ្នកដែលជាប់ជំពាក់ក្នុងការបរិភោគមានចំនួនច្រើនក្នុងលោកនេះ ។
ចែករំលែកព័តមាននេះ