រាជធានីភ្នំពេញ ៖ សហរដ្ឋអាមេរិកបានថ្លែងអំណរគុណដល់រាជរដ្ឋាភិបាលកម្ពុជាសម្តេចតេជោ ហ៊ុន សែន បានដែលបានយល់ព្រមបន្តរុករកអដ្ឋិធាតុទាហានអាមេរិកដែលបានបាត់ បង់ជីវិតនៅក្នុងសម័យសង្គ្រាមនៅកម្ពុជា (POW/MIA) ។ នេះបើតាមលិខិតរបស់សមាជិកព្រឹ…
រាជធានីភ្នំពេញ ៖ សហរដ្ឋអាមេរិកបានថ្លែងអំណរគុណដល់រាជរដ្ឋាភិបាលកម្ពុជាសម្តេចតេជោ ហ៊ុន សែន បានដែលបានយល់ព្រមបន្តរុករកអដ្ឋិធាតុទាហានអាមេរិកដែលបានបាត់ បង់ជីវិតនៅក្នុងសម័យសង្គ្រាមនៅកម្ពុជា (POW/MIA) ។
នេះបើតាមលិខិតរបស់សមាជិកព្រឹ ទ្ធសភា នៅរដ្ឋវ៉ាស៊ីនតោនសហរដ្ឋអាមេរិកលោកដុក អេរិកសុន (Doug Ericksen) និងតំណាងរាស្ត្រលោកវីន សុនបាយ្ស (Vicent Buys) ។ ការថ្លែងអំណរគុណនេះ បន្ទាប់ពីថ្ងៃទី១២ ខែតុលា ឆ្នាំ២០១៨ តាមរយៈលិខិតមួយច្បាប់ផ្ញើទៅលោក ដុក អេរិកសុន និងលោកវីន សុនបាយ្ស សម្ដេចតេជោ ហ៊ុន សែន នាយករដ្ឋមន្ដ្រីកម្ពុជាបានយល់ព្រមបើកដំណើរការឡើងវិញនូវការរុករកអដ្ឋិធាតុទាហានរបស់អាមេរិកដែលនៅបន្ដបាត់ខ្លួនចំនួន៤៩នាក់ ក្រោយពីផ្អាកក្នុងរយៈពេលមួយឆ្នាំកន្លងមកនេះ ។ លិខិតលើកឡើងរដ្ឋាភិបាលរបស់ខ្ញុំដោយក្នុងស្មារតីមេត្តាករុណាដូចកន្លងមក យល់ព្រមចាប់ផ្តើមឡើងវិញនូវប្រតិបត្តិការរុករកអដ្ឋិធាតុ POW/MIA ដ៏សំខាន់នេះទោះបីជាការរឹតត្បិតទិដ្ឋការសហរដ្ឋអាមេរិក នៅតែមានសុពលភាពក៏ដោយ ។
ចំណែកយោងតាមលិខិតរបស់លោកដុក អេរិកសុន និងតំណាងរាស្ត្រលោកវីន សុនបាយ្ស នាពេលថ្មីៗនេះបានឲ្យដឹងថា«យើងសូមថ្លែងអំណរគុណយ៉ាងជ្រាលជ្រៅដែលនាយករដ្ឋមន្ត្រីកម្ពុជាសម្តេច ហ៊ុន សែន បានលុបចោលការផ្អាក និងបន្តប្រតិបត្តិការមនុស្សធម៌ទ្វេភាគី ដើម្បីផ្តល់ចម្លើយដល់គ្រួសារដែលមនុស្សជាទីស្រលាញ់នៅតែបាត់ខ្លួននៅកម្ពុជា» ។ លិខិតបន្តថា សមាជិកសភារដ្ឋវ៉ាស៊ីនតោន មានសុទិដ្ឋិនិយមពីទំនាក់ទំនងនាពេលអនាគតជាមួយកម្ពុជាបន្ទាប់ពីការពិភាក្សាជាមួយមន្ត្រីរាជរដ្ឋាភិបាលដែលនាំឲ្យមានការបន្តស្វែងរកអ្នកនៅសេសសល់នៃជនជាតិអាមេរិកដែលបាត់ខ្លួន ។ លោកដុក អេរិកសុនបានជួបនាយករដ្ឋមន្ត្រីកម្ពុជា ក្នុងអំឡុងពេលសម្តេចតេជោចូលរួមក្នុងមហាសន្និបាតអង្គការសហប្រជាជាតិ ដើម្បីពិភាក្សាអំពីក្រុមគ្រួសាររបស់ជនជាតិអាមេរិកទាំងនោះដែលកំពុងបាត់ខ្លួនដោយបានចំណាយពេលជិត៥០ឆ្នាំ ដើម្បីស្វែងរក ។ លោកបាននិយាយថា«វាបានបង្ហាញច្បាស់ថាកម្មវិធី MIA / POW មានសារៈសំខាន់ខ្លាំងណាស់ចំពោះនាយករដ្ឋមន្ត្រី ។ ខ្ញុំជឿជាក់ថានេះជាកាយវិការដ៏ខ្លាំងក្លាមួយនៃបំណងប្រាថ្នារបស់ប្រទេសកម្ពុជាសម្រាប់ទំនាក់ទំនងល្អប្រសើររវាងប្រទេសយើងទាំងពីរ ។ រដ្ឋាភិបាលសហរដ្ឋអាមេរិកបានចុះបញ្ជីជនជាតិអាមេរិក៤៩នាក់ ដែលនៅតែមិនទាន់ដាក់បញ្ចូលនៅកម្ពុជា» ។
លោក Ann Mills-Griffiths ប្រធាន និងជានាយកប្រតិបត្តិនៃសម្ព័ន្ធជាតិឈ្លើយសឹក និងគ្រួសាររបស់មីយ៉ាន់ម៉ាបានថ្លែងថា «មុនពេលផ្អាកបណ្តោះអាសន្នកម្ពុជាត្រូវបានគេចាត់ទុកថា ជាស្តង់ដាមាសរបស់ POW / MIA» ។ លោកដុក អេរិកសុនបាននិយាយទៀតថា កាយវិការរបស់សម្តេចតេជោបានផ្ញើសារវិជ្ជមានសម្រាប់អនាគត ។ លោកថា«យើងកំពុងទន្ទឹងរង់ចាំកសាងទំនាក់ទំនងដែលយើងបានកសាងជាមួយប្រជានកម្ពុជា ដើម្បីលើកកម្ពស់ចំណងសេដ្ឋកិច្ចវប្បធម៌ និងនយោបាយរវាងប្រជាជាតិយើង ។
នេះ គឺជាជំហានដ៏ធំមួយនៅក្នុងទិសដៅត្រឹមត្រូវ» ។ កម្ពុជាសម្រេចបានផ្អាកជាបណ្តោះអាសន្ននូវកិច្ចសហប្រតិបត្តិការមនុស្សធម៌ស្តីពីការស្វែងរកអដ្ឋិធាតុរបស់ទាហានអាមេរិកនៅកម្ពុជាក្នុងសម័យសង្គ្រាម (POW/MIA) កាលពីថ្ងៃថ្ងៃទី១២ ខែតុលា ឆ្នាំ ២០១៧ ៕
ចែករំលែកព័តមាននេះ