ទីក្រុងតូក្យូ ៖ រដ្ឋមន្ត្រីទទួលបន្ទុកផ្នែកសង្គ្រោះសេដ្ឋកិច្ចរបស់ជប៉ុន លោក Toshimitsu Motegi បាននិយាយកាលពីថ្ងៃអាទិត្យថា ប្រទេសជប៉ុនមិនមានគម្រោងចរចាពីវិធីដើម្បីទប់ស្កាត់ការទម្លាក់តម្លៃរូបិយវត្ថុដើម្បីជំរុញដល់ការនាំចេញទេ ។ លោកបាននិយាយថា…
ទីក្រុងតូក្យូ ៖ រដ្ឋមន្ត្រីទទួលបន្ទុកផ្នែកសង្គ្រោះសេដ្ឋកិច្ចរបស់ជប៉ុន លោក Toshimitsu Motegi បាននិយាយកាលពីថ្ងៃអាទិត្យថា ប្រទេសជប៉ុនមិនមានគម្រោងចរចាពីវិធីដើម្បីទប់ស្កាត់ការទម្លាក់តម្លៃរូបិយវត្ថុដើម្បីជំរុញដល់ការនាំចេញទេ ។
លោកបាននិយាយថា ៖« មិនមានការចរចា លើអត្រាប្តូរប្រាក់ក្នុងសេចក្តីថ្លែងការណ៍រួម និងអំឡុងពេលកិច្ចប្រជុំរវាងជប៉ុន និងសហរដ្ឋអាមេរិក(កាលពីខែកញ្ញា)ទេ »។
លោកបានមានប្រសាសន៍ដូចនេះ បន្ទាប់ពីរដ្ឋមន្ត្រីក្រសួងរតនាគារអាមេរិក គឺលោក Steven Mnuchin បាននិយាយកាលពីថ្ងៃសៅរ៍ថា សហរដ្ឋអាមេរិកចង់បន្ថែមកិច្ចព្រមព្រៀងមួយដើម្បីទប់ស្កាត់ការទម្លាក់តម្លៃរូបិយវត្ថុក្នុងកិច្ចព្រមព្រៀងពាណិជ្ជកម្មជាមួយ
ជប៉ុន ។
លោក Motegi បាននិយាយលើកម្មវិធីទូរទស្សន៍មួយថា លោកគិតថាអត្រាប្តូរប្រាក់មិនត្រូវបានលើកឡើងជាបញ្ហារវាងប្រទេសទាំងពីរទេ ហើយលោក Mnuchin គួរតែរក្សាការទំនាក់ទំនងជិតដិតជាមួយនឹងរដ្ឋមន្ត្រីហិរញ្ញវត្ថុ Taro Aso របស់ជប៉ុនរាល់ពេលចាំបាច់ ។ ប៉ុន្តែលោកបានបន្ថែមថា បុគ្គលទាំងពីរអាចនឹងមានកិច្ចពិភាក្សាលើអត្រាប្តូរប្រាក់នាពេលអនាគត ។
គួរបញ្ជាក់ដែរថា សហរដ្ឋអាមេរិកបានជំរុញឲ្យមានការបន្ថែមមាត្រានេះក្នុងកិច្ចព្រមព្រៀងពាណិជ្ជកម្មសេរីអាមេរិកខាងជើងថ្មី និងកិច្ចព្រមព្រៀងពាណិជ្ជកម្មសេរីថ្មីជាមួយប្រទេសកូរ៉េខាងត្បូងផងដែរ ។ ការសម្រេចចិត្តនេះជាផ្នែកមួយនៃការខិតខំប្រឹងប្រែងរបស់លោកប្រធានាធិបតីដូណាល់ត្រាំ (Donald Trump) ក្នុងការកាត់បន្ថយឱនភាពពាណិជ្ជកម្ម៧០០ប៊ីលានដុល្លាររបស់អាមេរិក ។
យ៉ាងណាក្តី ការបន្ថែមនេះអាចជាចំណុចដែលមានការខ្វែងគំនិតគ្នាធំមួយក្នុងកិច្ចពិភាក្សារវាងជប៉ុននិងសហរដ្ឋអាមេរិកដែលអាចនឹងប្រារព្ធឡើងនាឆមាសទី១នៅឆ្នាំក្រោយ ព្រោះប្រទេសជប៉ុនក៏បានជំទាសន់នឹងមាត្រាដែលស្រដៀងគ្នាសម្រាប់កិច្ចព្រមព្រៀងដៃគូពាណិជ្ជកម្មអន្តរប៉ាស៊ីហ្វិក (PTT) ផងដែរ ៕
ចែករំលែកព័តមាននេះ