ខេត្តមណ្ឌលគិរី ៖ ក្មេងប្រុសអាយុ៥ឆ្នាំម្នាក់បានលង់ទឹកស្រះ បណ្តាលឱ្យស្លាប់យ៉ាងអាណោចអាធ័ម ដែលហេតុការណ៍នេះបានកើតឡើងកាលពីវេលាម៉ោង២រសៀលថ្ងៃទី១៥ ខែតុលា ឆ្នាំ២០១៨ នៅចំណុចស្រះទឹកក្រោយផ្ទះមានចម្ងាយប្រមាណ១០០ម៉ែត្រ ស្ថិតនៅភូមិណងប៊ួ ឃុំណងឃីលិក…
ខេត្តមណ្ឌលគិរី ៖ ក្មេងប្រុសអាយុ៥ឆ្នាំម្នាក់បានលង់ទឹកស្រះ បណ្តាលឱ្យស្លាប់យ៉ាងអាណោចអាធ័ម ដែលហេតុការណ៍នេះបានកើតឡើងកាលពីវេលាម៉ោង២រសៀលថ្ងៃទី១៥ ខែតុលា ឆ្នាំ២០១៨ នៅចំណុចស្រះទឹកក្រោយផ្ទះមានចម្ងាយប្រមាណ១០០ម៉ែត្រ ស្ថិតនៅភូមិណងប៊ួ ឃុំណងឃីលិក ស្រុកកោះញែក ខេត្តមណ្ឌលគិរី ។
សមត្ថកិច្ចបានឲ្យដឹងថា ជនរងគ្រោះដែលស្លាប់ឈ្មោះ ថុន ខាំ ភេទប្រុស អាយុ៥ឆ្នាំ មានឪពុកឈ្មោះ អ៊ុន ថុន មុខរបរកសិករ និងម្តាយឈ្មោះម៉ៃ បួឡៃ ។ ទាំង៣នាក់រស់នៅភូមិ ឃុំកើតហេតុ ។
នៅវេលាម៉ោង៦នាទីយប់ថ្ងៃទី១៥ តុលា កម្លាំងប៉ុស្ដិ៍បានទទួលព័ត៌មានពីប្រជាពលរដ្ឋថា មានករណីក្មេងប្រុសបានលង់ទឹកស្រះស្លាប់ ពេលកម្លាំងប៉ុស្តិ៍បានចុះទៅធ្វើការត្រួតពិនិត្យនៅកន្លែងកើតហេតុ ព្រមទាំងប្រមូលព័ត៌មានជុំវិញកន្លែងនោះ និងតាមសេចក្តីបញ្ជាក់ពីគ្រួសារសព និងបងប្អូនជិតខាងបានឲ្យដឹងថា ក្មេងរងគ្រោះពិតជាស្លាប់ដោយសារលង់ទឹកពិតប្រាកដមែន។
ក្រោយពីធ្វើការពិនិត្យសពរួចរាល់ហើយ សមត្ថកិច្ចក៏បានប្រគល់សពក្មេងរងគ្រោះទៅឱ្យអាណាព្យាបាលដើម្បីធ្វើបុណ្យតាមប្រពៃណី ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ