ជំងឺថ្លើម ជាជំងឺដែលមនុស្សគ្រប់រូបមិនចង់ប្រឈមមុខឡើយ ។ បន្លែដែលអ្នកគួរតែបរិភោគដើម្បីការពារថ្លើមរបស់អ្នក តើមានអ្វីខ្លះ ? 1.អ្នកអាចពិសាខ្ទឹមសបាន ព្រោះក្នុងនោះមានផ្ទុកវីតាមីនA, B1 និងC…
ជំងឺថ្លើម ជាជំងឺដែលមនុស្សគ្រប់រូបមិនចង់ប្រឈមមុខឡើយ ។ បន្លែដែលអ្នកគួរតែបរិភោគដើម្បីការពារថ្លើមរបស់អ្នក តើមានអ្វីខ្លះ ?
1.អ្នកអាចពិសាខ្ទឹមសបាន ព្រោះក្នុងនោះមានផ្ទុកវីតាមីនA, B1 និងC ដែលអាចជួយប្រឆាំងនឹងមេរោគ ថែមទាំងអាចធ្វើឲ្យសរសៃឈាមអ្នកមិនងាយកករឹងទៀតផង ។ ជាពិសេស វានឹងជួយការពារមិនឲ្យអ្នកកើតមហារីកថ្លើមនោះទេ។
2.អ្នកក៏អាចបរិភោគត្រកួនផងដែរ ព្រោះក្នុងនោះមានសារធាតុដែលអាចជួយបណ្តេញជាតិពុលពីក្នុងរាងកាយអ្នក ដោយធ្វើឲ្យថ្លើមអ្នកមិនងាយមានជាតិពុល ។ ដូចនេះអ្នកនឹងមិនងាយប្រឈមមុខនឹងជំងឺថ្លើមនោះឡើយ ។
3.ប្រសិនជាអ្នកចង់ការពារថ្លើម អ្នកគួរតែបរិភោគផ្សិតចំបើង ព្រោះវាអាចទប់មិនឲ្យកោសិកាមហារីកកើតលើខ្លួនអ្នកឡើយ ។ ដូចនេះ អ្នកនឹងអាចគេចផុតពីជំងឺដ៏កាចសាហាវមួយនេះបាន។
4.ត្រចៀកកណ្តុរក្រៀម មានផ្ទុកសារធាតុដែលអាចជួយការពារក្រពះអ្នក ថែមទាំងអាចជួយបញ្ចុះសម្ពាធឈាមអ្នកទៀតផង ។ ម្យ៉ាងទៀតវាក៏អាចជួយបញ្ចុះកាឡូរី ការពារមិនឲ្យសរសៃឈាមឆាប់កករឹង ព្រមទាំងអាចជួយបង្កើនប្រព័ន្ធការពាររាងកាយបានទៀតផង ។
5.ចំពោះអ្នកដែលមិនចង់កើតមហារីកថ្លើម គួរតែញ៉ាំការ៉ុត ព្រោះវាអាចជួយការពារថ្លើមអ្នកឲ្យរឹងមាំ ដោយធ្វើឲ្យអ្នកមិនជួបនឹងមហារីកថ្លើមឡើយ ។
6.ប៉េងប៉ោះមានផ្ទុកប្រូតេអ៊ីន វីតាមីនសេ វីតាមីនB1 និងB2 ព្រមទាំងសារធាតុដទៃទៀតដែលអាចជួយបញ្ចេញជាតិពុលពីថ្លើម ដោយអាចការពារថ្លើមអ្នកបាន ។
7.ត្រឡាចក៏អ្នកគួរតែពិសាផងដែរ ព្រោះវាអាចធ្វើឲ្យអ្នកត្រជាក់ក្នុង ថែមទាំងគ្មានជាតិពុលណាអាចរស់នៅក្នុងខ្លួនអ្នកឡើយ ។ ដូចនេះ ជំងឺមហារីកថ្លើមនឹងមិនងាយមកជិតខ្លួនអ្នកឡើយ (ប្រភពពី៖ Health.com.kh) ៕
ចែករំលែកព័តមាននេះ