ទាំងប្តីទាំងប្រពន្ធតែម្តងធ្វើបែបនេះ
- កណ្តាល
ខេត្តកណ្តាល ៖ ជនសង្ស័យចំនួន០២នាក់បានជួញដូរដោយខុសច្បាប់នូវសារធាតុញៀន (ម៉ាទឹកកក) ដែលកើតហេតុថ្ងៃទី១៥ ខែតុលា ឆ្នាំ២០១៨ វេលាម៉ោង១០និង១០នាទី នៅចំណុច ភូមិព្រែកសំរោង…
ខេត្តកណ្តាល ៖ ជនសង្ស័យចំនួន០២នាក់បានជួញដូរដោយខុសច្បាប់នូវសារធាតុញៀន (ម៉ាទឹកកក) ដែលកើតហេតុថ្ងៃទី១៥ ខែតុលា ឆ្នាំ២០១៨ វេលាម៉ោង១០និង១០នាទី នៅចំណុច ភូមិព្រែកសំរោង…
ខេត្តកណ្តាល ៖ ជនសង្ស័យចំនួន០២នាក់បានជួញដូរដោយខុសច្បាប់នូវសារធាតុញៀន (ម៉ាទឹកកក) ដែលកើតហេតុថ្ងៃទី១៥ ខែតុលា ឆ្នាំ២០១៨ វេលាម៉ោង១០និង១០នាទី នៅចំណុច ភូមិព្រែកសំរោង ឃុំរកាខ្ពស់ ស្រុកស្អាង ខេត្តកណ្តាល ។
ជនសង្ស័យ០២នាក់ខាងលើមាន១-ឈ្មោះ ឡៅ លន ភេទប្រុស អាយុ៣៩ឆ្នាំ ជនជាតិខ្មែរ មុខរបរនេសាទ ទីលំនៅបច្ចុប្បន្នភូមិព្រែកសំរោង ឃុំរកាខ្ពស់ ស្រុកស្អាង ខេត្តកណ្តាល ត្រូវជាប្តីឈ្មោះ អាត សំអន (គេចខ្លួន) ។ ២-ឈ្មោះ អាត សំអន ភេទស្រី អាយុ៣៩ឆ្នាំ ជនជាតិខ្មែរ មុខរបរកម្មកានីរោងចក្រ ទីលំនៅបច្ចុប្បន្នភូមិព្រែកសំរោង ឃុំរកាខ្ពស់ ស្រុកស្អាង ខេត្តកណ្តាល ត្រូវជាប្រពន្ធឈ្មោះ ឡៅ លន (ឃាត់ខ្លួន) ។
ដែលវត្ថុតាងចាប់យករួមមាន ម្សៅក្រាមពណ៌សថ្លា សង្ស័យថា ជាសារធាតុញៀន (ម៉ាទឹកកក) ចំនួន១២កញ្ចប់ (ក្នុងនោះធំ០១កញ្ចប់ និងតូច១១កញ្ចប់) ឧបករណ៍សម្រាប់វេចខ្ចប់ប្រើប្រាស់មួយចំនួនផងដែរ ។
នៅថ្ងៃខែឆ្នាំវេលាម៉ោងកើតហេតុ ក្រោយទទួលបានព័ត៌មានពីប្រជាពលរដ្ឋល្អថា មានករណីជួញដូរគ្រឿងញៀន នៅចំណុចកើតហេតុខាងលើ ភ្លាមនោះកម្លាំងផ្នែកប្រឆាំងបទល្មើសគ្រឿងញៀន សហការជាមួយកម្លាំងប៉ុស្តិ៍នគរបាលរដ្ឋបាលរកាខ្ពស់ បានចុះដល់ចំណុចកើតហេតុ ធ្វើការត្រួតពិនិត្យឈ្មោះ អាត សំអន បានរកឃើញម្សៅក្រាមពណ៌សថ្លាសង្ស័យជាសារធាតុញៀន (ម៉ាទឹកកក) ចំនួន០១កញ្ចប់ធំ និងឧបករណ៍សម្រាប់វេចខ្ចប់ប្រើប្រាស់មួយចំនួននៅនឹងខ្លួន ។
ដោយមានការចូលរួមពីលោក ក្រុមប្រឹក្សាឃុំរកាខ្ពស់ សមត្ថកិច្ចនគរបាលបានធ្វើការត្រួតពិនិត្យឆែកឆេរលំនៅដ្ឋានឈ្មោះ អាត សំអន បានរកឃើញម្សៅក្រាមពណ៌សថ្លាសង្ស័យជាសារធាតុញៀន (ម៉ាទឹកកក) ចំនួន១១កញ្ចប់តូច កប់ដីក្បែរពាងទឹកជាប់ផ្ទះ រួចឃាត់ខ្លួនជនសង្ស័យរួមនឹងវត្ថុតាងបញ្ជូនមកអធិការដ្ឋាននគរបាលស្រុកស្អាង ដើម្បីសាកសួរ ។
ចំណែកឈ្មោះ ឡៅ លន បានគេចខ្លួនបាត់ មុនសមត្ថកិច្ចនគរបាលទៅដល់ ។ នៅចំពោះមុខសមត្ថកិច្ចនគរបាល ឈ្មោះ អាត សំអន បានសារភាពថា ប្តីរបស់ខ្លួនឈ្មោះ ឡៅ លន បានទៅទិញគ្រឿងញៀន (ម៉ាទឹកកក) ចំនួន០១កញ្ចប់ មិនដឹងតម្លៃប៉ុន្មាន យកមករំលែកលក់ ក្នុង០១កញ្ចប់តូច តម្លៃ២០,០០០រៀល ។ ចំណែកលុយបានពីការលក់គ្រឿងញៀនចាយរួមគ្នា ។បច្ចុប្បន្នជនសង្ស័យបានឃាត់ខ្លួននៅអធិការដ្ឋាននគរបាលស្រុកស្អាង ដើម្បីបន្ដអនុវត្ដតាមនីតិវីធី ៕
ចែករំលែកព័តមាននេះ