មេដឹកនាំកូរ៉េខាងជើងមានឆន្ទៈរំសាយនុយក្លេអ៊ែរ
ប្រទេសកូរ៉េទាំង២ ៖ ក្នុងបទសម្ភាសន៍មួយនាឱកាសនៃទស្សនកិច្ចផ្លូវការរបស់ប្រធានាធិបតីកូរ៉េខាងត្បូង លោក MOON JAE IN នៅប្រទេសបារាំង កាសែតបារាំង LE…
ប្រទេសកូរ៉េទាំង២ ៖ ក្នុងបទសម្ភាសន៍មួយនាឱកាសនៃទស្សនកិច្ចផ្លូវការរបស់ប្រធានាធិបតីកូរ៉េខាងត្បូង លោក MOON JAE IN នៅប្រទេសបារាំង កាសែតបារាំង LE…
ប្រទេសកូរ៉េទាំង២ ៖ ក្នុងបទសម្ភាសន៍មួយនាឱកាសនៃទស្សនកិច្ចផ្លូវការរបស់ប្រធានាធិបតីកូរ៉េខាងត្បូង លោក MOON JAE IN នៅប្រទេសបារាំង កាសែតបារាំង LE FIGARO រាយការណ៍នាថ្ងៃទី១៥តុលាថា លោក MOON អះអាងថា សមភាគីកូរ៉េខាងជើងលោកគីម ជុងអ៊ុន ពិតជាមានឆន្ទៈស្មោះចំពោះការរំសាយនុយក្លេអ៊ែររបស់ប្រទេសលោក។
ក្នុងបទសម្ភាសន៍នោះលោក MOON ថ្លែងថា ក្នុងឱកាសនៃការជួបគ្នារបស់យើង៣លើកនាឆ្នាំនេះ ខ្ញុំអាចកត់សម្គាល់ឃើញថា លោកគីម មានទស្សនៈច្បាស់លាស់ចំពោះភាពរុងរឿង និងសន្តិភាព នៅកូរ៉េខាងត្បូង និងកូរ៉េខាងជើង ហើយក៏មានឆន្ទៈម៉ឺងម៉ាត់មួយដែរ ក្នុងលក្ខខណ្ឌដែលរបបរបស់លោកត្រូវបានធានា បូជារាល់ថាមពលរបស់លោកចំពោះការអភិវឌ្ឃន៍សេដ្ឋកិច្ចរបស់ប្រទេសលោក ដោយសុខចិត្តបោះបង់ចោលអាវុធនុយក្លេអ៊ែរ។
ប្រធានាធិបតីកូរ៉េខាងត្បូងបន្តទៀតថា ក្នុងពេលជួបគ្នាទាំងនោះ ធ្វើឲ្យខ្ញុំមានជំនឿជាក់ថា លោកគីម បានធ្វើការសម្រេចចិត្តជាយុទ្ធសាស្ត្របោះបង់ចោលអាវុធនុយក្លេអ៊ែរ។ ខ្ញុំជឿថា ការរំសាយនុយក្លេអ៊ែរពេលនេះក្លាយជាផ្លូវការទោះជាក្នុងផ្ទៃសង្គមកូរ៉េខាងជើង។
ការខិតចូលជិតគ្នាខាងការទូតរយៈពេលចុងក្រោយនេះ រវាងកូរ៉េទាំង២ និងរវាងកូរ៉េខាងជើង និងសហរដ្ឋអាមេរិក អាចសម្រាលភាពតានតឹងនៅឧបទ្វីបកូរ៉េ បណ្ដាលមកពីកម្មវិធីនុយក្លេអ៊ែររបស់ក្រុងព្យុងយ៉ាង។
លោក MOON ក៏មានបំណងចង់ឲ្យលោកគីម ជុងអ៊ុន និងលោកដូណាល់ ត្រាំ ធ្វើឲ្យសម្រេចពេលជួបគ្នាកំពូលលើកទី២ របស់អ្នកទាំង២នូវកិច្ចព្រមព្រៀង លើវិធានការជាក់ស្ដែងនានា ហើយយល់ថា ការប្រកាសពីការបញ្ចប់សង្គ្រាមកូរ៉េនឹងជាចំណុចចាប់ផ្ដើមមួយ៕
ចែករំលែកព័តមាននេះ