សហរដ្ឋអាមេរិក ៖ ប្រធានាធិបតីអាមេរិកលោកដូណាល់ត្រាំយល់ថា រដ្ឋមន្ត្រីការពារប្រទេសរបស់លោក គឺលោក JIM MATTIS ជាអ្នកប្រជាធិបតេយ្យមួយប្រភេទ ដែលអាចចាកចេញពីរដ្ឋាភិបាលក្នុងពេលឆាប់ៗ តែលោកបដិសេធយ៉ាងម៉ឺងម៉ាត់ការនិយាយពីភាពច្របូកច្របល់ក្នុងសេតវិមាន។…
សហរដ្ឋអាមេរិក ៖ ប្រធានាធិបតីអាមេរិកលោកដូណាល់ត្រាំយល់ថា រដ្ឋមន្ត្រីការពារប្រទេសរបស់លោក គឺលោក JIM MATTIS ជាអ្នកប្រជាធិបតេយ្យមួយប្រភេទ ដែលអាចចាកចេញពីរដ្ឋាភិបាលក្នុងពេលឆាប់ៗ តែលោកបដិសេធយ៉ាងម៉ឺងម៉ាត់ការនិយាយពីភាពច្របូកច្របល់ក្នុងសេតវិមាន។
តាមកម្មវិធិទូរទស្សន៍ ៦០នាទី ទូរទស្សន៍អាមេរិក CBS កាលពីថ្ងៃទី១៤ តុលា បានដកស្រង់សម្ដីលោកត្រាំដែលនិយាយថា កាលពី២ថ្ងៃមុនខ្ញុំបានរួមអាហារថ្ងៃត្រង់ជាមួយលោក MATTIS ប៉ុន្តែខ្ញុំទទួលស្គាល់ថា លោក MATTIS នឹងអាចចាកចេញក្នុងពេលណាមួយ។ មនុស្សច្រើននាក់នឹងចាកចេញ។
បើតាមសៀវភៅរបស់អ្នកកាសែតស៊ើបអង្កេតលោក BOB WOODWARD បានចេញផ្សាយកាលពីខែកញ្ញាថា លោក MATTIS មានពាក្យរិះគន់ខ្លាំងបំផុតចំពោះលោកត្រាំ។
ពេលសួរលោកពីព័ត៌មានអំពីភាពច្របូកច្របល់ក្នុងសេតវិមាន ដោយសារការចាកចេញឬការដកហូតតំណែងអ្នកទទួលខុសត្រូវច្រើននាក់ លោកត្រាំអះអាងប្រាប់កម្មវិធីទូរទស្សន៍ ៦០នាទី ថា ទាំងនោះសុទ្ធតែជាព័ត៌មានខុសទាំងអស់។ ទោះបីយ៉ាងណាលោកគូសបញ្ជាក់ថា មនុស្សច្រើននាក់នឹងចាកចេញ។ ខ្ញុំកំពុងតែរៀបចំឡើងវិញ ហើយនោះជាសិទ្ធិរបស់ខ្ញុំ។ខ្ញុំយល់ថា យើងនឹងមានរដ្ឋាភិបាលល្អមួយ។ ខ្ញុំពុំសប្បាយចិត្តឡើយជាមួយមនុស្សមួយចំនួន៕
ចែករំលែកព័តមាននេះ