ខេត្តមណ្ឌលគិរី ៖ បើតាមសេចក្តីរាយការណ៍បានឱ្យដឹងថា មន្ត្រីនគរបាលម្នាក់បានស្លាប់ភ្លាមៗ ខណៈកំពុងអង្គុយច្រៀងលេង ដោយមិនអាចជួយសង្គ្រោះបានឡើយ ហេតុការណ៍នេះកើតឡើងកាលពីព្រឹកម៉ោង៦និង៤៥ នាទី ថ្ងៃទី១៥ ខែតុលា…
ខេត្តមណ្ឌលគិរី ៖ បើតាមសេចក្តីរាយការណ៍បានឱ្យដឹងថា មន្ត្រីនគរបាលម្នាក់បានស្លាប់ភ្លាមៗ ខណៈកំពុងអង្គុយច្រៀងលេង ដោយមិនអាចជួយសង្គ្រោះបានឡើយ ហេតុការណ៍នេះកើតឡើងកាលពីព្រឹកម៉ោង៦និង៤៥ នាទី ថ្ងៃទី១៥ ខែតុលា ឆ្នាំ២០១៨។
បើតាមលោកវរសេនីយ៍ត្រី វ៉ាន់ ដានីន អធិការនគរបាលស្រុកកែវសីមា បានឲ្យដឹងថា «មន្ត្រីនគរបាលដែលស្លាប់ខាងលើនេះ ឈ្មោះ ពិន ហ៊ាង ឋានន្តរសក្តិព្រិន្ទបាលឯក ជាមន្ត្រីប្រចាំការនៅស្នាក់ការចុះឈ្មោះស្នាក់នៅបណ្តោះអាសន្នរបស់ប៉ុស្តិ៍នគរបាលស្រែឈូក គោលដៅ៣ ភូមិព្រះរណែងខ្ទង់។
លោកអធិការបន្តថា មន្ត្រីនគរបាលខាងលើពេលក្រោកពីព្រឹកបានច្រៀងលេងចំនួន២បទ បន្តមកក៏ទៅលុបមុខ ស្រាបតែដួលសន្លប់តែម្តង ក្រោយពេលកម្លាំងប្រជាការពារ និងអ្នកជិតខាងធ្វើការជួយសង្គ្រោះក៏ដោយ ក៏លោកព្រិន្ទបាលឯក ពិន ហ៊ាង បានទទួលមរណភាពបាត់ទៅហើយ»។
លោកឧត្តមសេនីយ៍ត្រី សូ សុវណ្ណ ស្នងការរងខេត្តបានឲ្យដឹងថា «មន្ត្រីនគរបាលខាងលើ កន្លងមក មិនមានជំងឺប្រចាំកាយនោះទេ ប៉ុន្តែគាត់ឧស្សាហ៍ផឹកស្រាមិនសូវលស់ថ្ងៃ។ ហើយមុនពេលកើតហេតុ បើតាមសាច់ញាតិឲ្យដឹងថា គាត់បានផឹកស្រាស្រវឹងអត់ហូបបាយតាំងពីល្ងាច លុះព្រឹកឡើងស្រាប់តែជួបគ្រោះអកុសលនេះតែម្តង»។
តាមកាសន្ឋិដ្ឋានរបស់សមត្ថកិច្ច គឺជនរងគ្រោះស្លាប់ដោយសារខ្យល់គរ ហើយបច្ចុប្បន្នកម្លាំងប៉ុស្តិ៍ស្រែឈូក កំពុងធ្វើដំណើរទៅយកសពមកធ្វើបុណ្យតាមប្រពៃណីនៅភូមិចក់ចារ ឃុំស្រែឈូក ស្រុកកែវសីមា ៕
ចែករំលែកព័តមាននេះ