រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជាលោកសុខ ឥសាន បានអះអាងថា រាជរដ្ឋាភិបាលដែលដឹកនាំដោយគណបក្សប្រជាជនកម្ពុជាបានកំពុងអនុវត្តព្រះរាជបណ្តាំរបស់ព្រះបរមរតនកោដ្ឋជានិច្ច ។
ការលើកឡើងរបស់អ្នកនាំពាក្យគណបក្សកាន់អំណាចនេះ ស្របពេលដែលប្រជាជនកម្ពុជាបានរំលឹកវិញ្ញាណក្ខន្ធនៃការចូលសោយទិវង្គតរយៈពេល៦ឆ្នាំរបស់ព្រះបរមរតនកោដ្ឋ ព្រះបាទសម្តេចសីហនុព្រះបិតាឯករាជ្យជាតិខ្មែរ ។ លោកសុខ ឥសាន បានឲ្យដឹងនៅថ្ងៃទី១៥ តុលាតាមប្រព័ន្ធសាតេលេក្រាមយ៉ាងដូច្នេះថា គណបក្សប្រជាជនកម្ពុជាប្រកាន់ខ្ជាប់គោលជំហរធ្វើជាសុខុដុមនីយកម្មសង្គមកម្ពុជាដោយផ្អែកលើនយោបាយបង្រួបបង្រួមជាតិ កាផ្សះផ្សារជាតិ និងវប្បធម៌សន្ទនា ។ ប៉ុន្តែការបង្រួបបង្រួមជាតិការផ្សះផ្សារជាតិ និងវប្បធម៌សន្ទនាត្រូវតែផ្អែកលើគោលការណ៍ច្បាស់លាស់នោះ គឺតាមគោលការណ៍លទ្ធិប្រជាធិបតេយ្យ និងនីតិរដ្ឋ ។
លោកបញ្ជាក់ថា«ដាច់ខាតគណបក្សប្រជាជនកម្ពុជាមិនផ្សះផ្សារ និងបង្រួបបង្រួមជាតិមួយក្រុមជនក្បត់ជាតិរំលោភលទ្ធិប្រជាធិបតេយ្យឡើយ ។ នេះហើយ គឺជាព្រះរាជបណ្តាំរបស់ ព្រះបរមរតនកោដ្ឋដែលបន្សល់ឲ្យកូនចៅគណបក្សប្រជាជនកម្ពុជាអនុវត្តតរៀងទៅ»។ លោកបន្ថែមថា ហេតុដូច្នេះហើយបានជាគណបក្សប្រជាជនកម្ពុជាប្តេជ្ញាការពាររដ្ឋធម្មនុញ្ញ និងរបបរាជានិយមអាស្រ័យរដ្ឋធម្មនុញ្ញឲ្យបានជាដាច់ខាត និងប្តេជ្ញាដើរតាមគន្លងលទ្ធិប្រជាធិបតេយ្យ និងនីតិរដ្ឋទោះបីក្រុមណា ជនណានិយាយអ្វីក្រៅពីនេះក៏ដោយដែលនេះ គឺជាសិទ្ធិនិយាយរបស់ពួកគេនិយាយ ។
លោកសុខ ឥសាន ក៏បានលើកឡើងថា ដោយមានគំនិតពឹងផ្អែកលើបរទេសលោកសម រង្ស៊ីបានបញ្ជាក់ជំហរមិនចរចាជាមួយរាជរដ្ឋាភិបាលកម្ពុជាទុកឲ្យចរចាជាមួយបរទេសទុកឲ្យ បរទេសយកអំណាចមកឲ្យខ្លួនដោយស្រួលៗ ។ ឥឡូវអំណាចបាននឹងកំពុងស្ថិតនៅក្នុងដៃស ម្តេចតេជោហ៊ុន សែន យ៉ាងរឹងមាំដឹកនាំរាជរដ្ឋាភិបាលកម្ពុជានីតិកាលទី៦ ដែលត្រូវបានអន្តរ ជាតិទទួលស្គាល់ និងកំពុងលើកកម្ពស់អត្ថភាពកម្ពុជានៅលើឆាកអន្តរជាតិគួរជាទីមោទនភា ពសម្រាប់ជាតិខ្មែរទូទាំងប្រទេស ។
ឯលោកសម រង្សីកំពុងទទួលផលរត់ពនេចរនៅឯនាយសមុទ្រយ៉ាងកណ្តោចកណ្តែងគ្មានសង្ឃឹមបានមកជាន់ដីស្រុកខ្មែរសោះឡើយ ។ លោកបញ្ជាក់ទៀតថា«បញ្ជាក់ច្បាស់ពីលទ្ធផលនៃនយោបាយ និងក្បួនចំណេះជិះកឯងដែលទណ្ឌិតសម រង្សី តែងតែយកមកប្រើប្រាស់នៅក្នុងសង្គមខ្មែរដែលនាំឲ្យទណ្ឌិតសម រង្សី ទទួលបរាជ័យ និងលទ្ធផលអវិជ្ជមានជារៀងរហូតដល់ក្ស័យជីវិត» ។
សូមជម្រាបថា ការលើកឡើងរបស់អ្នកនាំពាក្យគណបក្សកាន់អំណាចនេះ បន្ទាប់ពីលោក សម រង្ស៊ី បានប្រកាសមិនចរចាជាមួយគណបក្សកាន់អំណាចនោះទេ ដោយទុកឲ្យរាជរដ្ឋាភិ បាលចរចាជាមួយអន្តរជាតិ ។ យ៉ាងណាក្តីការលើកឡើងនេះ ត្រូវបានអ្នកនាំពាក្យបក្សកាន់អំ ណាចធ្លាប់បានអះអាងថា គ្មានការចរចាជាមួយអតីតមេបក្សប្រឆាំងនោះទេព្រោះថា មេបក្សជាមួយក្រៅច្បាប់ ហើយកម្ពុជាធ្វើតាមច្បាប់ ៕
ចែករំលែកព័តមាននេះ