រាជធានីភ្នំពេញ ៖ ទំនាស់មួយដែលកើតចេញពីការនិយាយដើមប្រពន្ធគេ បានធ្វើឱ្យជាងម៉ូតូម្នាក់និងអ្នកយកម៉ូតូទៅធ្វើបានទាស់ទែងគ្នាបែកផ្សែង រហូតឈានទៅប្រើហិង្សាទាំងព្រឹកដោយសារតែយកម៉ូតូទៅ ធ្វើប្រាប់ថា «កុំនិយាយដើម ប្រពន្ធខ្ញុំទេ» ហើយជាងម៉ូតូមិនស្តាប់ ។…
រាជធានីភ្នំពេញ ៖ ទំនាស់មួយដែលកើតចេញពីការនិយាយដើមប្រពន្ធគេ បានធ្វើឱ្យជាងម៉ូតូម្នាក់និងអ្នកយកម៉ូតូទៅធ្វើបានទាស់ទែងគ្នាបែកផ្សែង រហូតឈានទៅប្រើហិង្សាទាំងព្រឹកដោយសារតែយកម៉ូតូទៅ
ធ្វើប្រាប់ថា «កុំនិយាយដើម ប្រពន្ធខ្ញុំទេ» ហើយជាងម៉ូតូមិនស្តាប់ ។ ហេតុការណ៍ ទាស់ទែងគ្នានេះ បានកើតឡើងកាលពីព្រឹកថ្ងៃទី១៣ តុលា នៅកន្លែងជាងជួសជុលម៉ូតូមួយកន្លែង ក្នុងភូមិចាក់ជ្រូក សង្កាត់សំរោងក្រោម ខណ្ឌពោធិ៍សែនជ័យ ។
គូទំនាស់ទាំងពីរ ពុំត្រូវបានគេស្គាល់ឈ្មោះឡើយ តែជាអ្នកភូមិជាមួយគ្នា ។ តាមព័ត៌មានឱ្យដឹងថា នៅព្រឹក ថ្ងៃនោះ មានបុរសម្នាក់បានយកម៉ូតូឆាលីមួយគ្រឿងទៅធ្វើដុំភ្លើង នៅកន្លែងជួលជុលម៉ូតូ។នៅពេលជួសជុល ជាងម៉ូតូក៏បាននិយាយដើមពីស្ត្រីម្នាក់ ដែលយកម៉ូតូនោះមកធ្វើកន្លងមក ដែលការនិយាយនេះ ត្រូវបុរសដែលយកម៉ូតូទៅធ្វើប្រាប់ថា «កុំនិយាយដើម ប្រពន្ធខ្ញុំទេ» គិតតែពីធ្វើម៉ូតូយកលុយទៅ ។
តាមព័ត៌មានឱ្យដឹងទៀតថា នៅព្រឹកនោះ ជាងម៉ូតូមិនស្តាប់ នៅតែបន្តនិយាយទៀត ជាហេតុធ្វើឱ្យអ្នកយកម៉ូតូទៅធ្វើ មានការខឹងសម្បារជាខ្លាំង និងក្លាយជាទំនាស់ពាក្យសំដីកាន់តែធ្ងន់ រហូតប្រើពាក្យពុំសម ។ ភ្លាមនោះ ជាងម៉ូតូបានស្ទុះមកវាយនឹងដៃ និងទាញញញួរមកវាយ អ្នកយកម៉ូតូទៅធ្វើ តែត្រូវបានអ្នកជិតខាងឃាត់ព្រមទាំងធាក់ម៉ូតូផ្តួល ។
ទន្ទឹមការទាស់ទែងគ្នានោះ ស្ត្រីចំណាស់ម្នាក់ ក៏បានទៅលើកម៉ូតូបានក្លាយជាទំនាស់ជេរគ្នាទាំងព្រឹកអស់រយៈពេលជាយូរ ។ ក្រោយមក ស្ត្រីជាប្រពន្ធអ្នកដែលម៉ូតូទៅធ្វើមកដល់ សម្រួលគ្នាយកម៉ូតូត្រឡប់ទៅវិញ ។
ចែករំលែកព័តមាននេះ