រាជធានីភ្នំពេញ ៖ គណៈកម្មាធិការជាតិរៀបចំការបោះឆ្នោតបានឲ្យដឹងថា ក្នុងរយៈពេល១៤ ថ្ងៃ មានពលរដ្ឋជិត១៦ម៉ឺននាក់ បានចុះឈ្មោះបោះឆ្នោតថ្មី ខណៈអ្នកដែលបានលុបចេញពីបញ្ជីឈ្មោះជាង២៧ម៉ឺននាក់ ។
តាមសេចក្តីប្រកាសព័ត៌មានរបស់គណៈកម្មាធិការជាតិរៀបចំការបោះឆ្នោត (គជប) ចេញផ្សាយនៅថ្ងៃទី១៥ ខែតុលា ឆ្នាំ២០១៨ បានឲ្យដឹងថា នៅថ្ងៃទី១៤ តុលានេះនៃការពិតិត្យបញ្ជី ឈ្មោះ និងចុះឈ្មោះបោះឆ្នោត ឆ្នាំ២០១៨ នៅក្របខណ្ឌទូទាំងប្រទេសប្រជាពលរដ្ឋដែលបា នអញ្ជើញមកចុះឈ្មោះបោះឆ្នោតថ្មីមានចំនួន១៩.០៣២នាក់ ។
គ.ជ.ប បានបញ្ជាក់ថា «សរុប១៤ថ្ងៃ តួលេខនៃអ្នកចុះឈ្មោះបោះឆ្នោតថ្មីមានចំនួន១៥ ៩.៤៤៥នាក់ អ្នកដែលបានលុបចេញពីបញ្ជីមានចំនួន២៧.៤៤៩នាក់ និងអ្នកដែលបានកែត ម្រូវទិន្នន័យមានចំនួន១.១៤៦នាក់» ។ ប្រភពបានលើកឡើងថា អ្នកដែលមកសុំចុះឈ្មោះ គឺជាប្រជាពលរដ្ឋខ្មែរមានសិទ្ធិបោះឆ្នោតក្នុងឃុំសង្កាត់ ដែលមិនទាន់បានចុះឈ្មោះបោះឆ្នោត ។
ពលរដ្ឋខ្មែររស់នៅក្នុងឃុំសង្កាត់ដែលទើបគ្រប់អាយុ១៨ឆ្នាំ (កើតមុន ឬកើតត្រឹមថ្ងៃទី១ សីហា ឆ្នាំ២០០១) និងពលរដ្ឋខ្មែរដែលផ្លាស់ប្តូរលំនៅឋាន ឬទីសំណាក់ចូលក្នុងឃុំ សង្កាត់ថ្មី ។ អ្នកដែលត្រូវធ្វើបច្ចុប្បន្នភាព គឺជាប្រជាពលរដ្ឋដែលមានឈ្មោះក្នុងបញ្ជីបោះឆ្នោត ឆ្នាំ២០១៧ រួចហើយប៉ុន្តែឈ្មោះ ឬទិន្នន័យក្នុងបញ្ជីបោះឆ្នោ កត់ត្រាមិនត្រឹមត្រូវ ។ ពលរដ្ឋដែលមានឈ្មោះក្នុងបញ្ជីបោះឆ្នោតឆ្នាំ២០១៧រួមហើយ ប៉ុន្តែស្នើសុំប្តូរការរិយាល័យពីភូមិមួយទៅភូមិមួយទៀតក្នុងឃុំ សង្កាត់ដដែល ឬសុំប្តូរពីការិយាល័យមួយទៅការិយាល័យមួយទៀតក្នុងភូមិតែមួយ ។
ពលរដ្ឋដែលមានឈ្មោះក្នុងបញ្ជីបោះឆ្នោត ឆ្នាំ២០១៧ ដែលបានទទួលមរណភាព ហើយត្រូវបានសមាជិកគ្រួសាររាយការណ៍ផ្ទាល់ជូនក្រុមចុះឈ្មោះបោះឆ្នោត (ក.ច. ប) ក្នុងអំឡុងពេលនៃការពិនិត្យបញ្ជីឈ្មោះ និងការចុះឈ្មោះបោះឆ្នោត ។ គិតត្រឹមថ្ងៃទី១៥ តុលា គឺនៅសល់តែ៤ថ្ងៃទៀតទេ សម្រាប់ការចុះឈ្មោះបោះឆ្នោតឆ្នាំ២០១៨ ដូច្នេះសូមពលរដ្ឋអញ្ជើញទៅពិនិត្យបញ្ជីឈ្មោះបោះឆ្នោត ដើម្បីស្នើសុំកែទិន្នន័យ ប្រសិនបើមានចំណុចខុសឆ្គង ។ ពលរដ្ឋដែលទើបគ្រប់អាយុ១៨ឆ្នាំ (កើតមុន ឬកើតត្រឹមថ្ងៃទី១ ខែមករា ឆ្នាំ២០០១) និងប្រជាពលរដ្ឋដែលមិនធ្លាប់ចុះឈ្មោះបោះឆ្នោតពីមុនអញ្ជើញទៅចុះឈ្មោះបោះឆ្នោតឲ្យបានគ្រប់ៗគ្នា ។
សូមជម្រាបថា បើតាមលទ្ធផលបណ្តោះអាសន្ននៃការការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០១៨ របស់គ.ជ.បបានឲ្យដឹងសម្រាប់ការចុះឈ្មោះមានចំនួន៨.៣៩៨.៨៨៦. ស្មើនឹង៨៤.៧៧% ៕
ចែករំលែកព័តមាននេះ