ខេត្តឧត្តរមានជ័យ ៖ សេចក្តីរាយការណ៍បឋមឲ្យដឹងថា កាលពីវេលារសៀលថ្ងៃទី១៣ តុលា មានករណីឃាតកម្មគិតទុកជាមុនមួយ បានកើតឡើងនៅចំណុចភូមិអូរតាមែង ឃុំអន្លង់វែង ស្រុកអន្លង់វែង «សម្លាប់មនុស្សនៅក្នុងព្រៃខាងក្រោយផ្ទះជនរងគ្រោះ»…
ខេត្តឧត្តរមានជ័យ ៖ សេចក្តីរាយការណ៍បឋមឲ្យដឹងថា កាលពីវេលារសៀលថ្ងៃទី១៣ តុលា មានករណីឃាតកម្មគិតទុកជាមុនមួយ បានកើតឡើងនៅចំណុចភូមិអូរតាមែង ឃុំអន្លង់វែង ស្រុកអន្លង់វែង «សម្លាប់មនុស្សនៅក្នុងព្រៃខាងក្រោយផ្ទះជនរងគ្រោះ» ចំណែកឃាតករត្រូវចាប់ខ្លួនភ្លាមៗផងដែរ ។ ជនសង្ស័យម្នាក់ឈ្មោះ ជិន ជឿន ភេទប្រុស អាយុ១៧ឆ្នាំ វត្ថុតាងចាប់យកកាំបិតចុងស្រួចចិតបន្លែដងជ័រពណ៌ខ្មៅ១ ។ ចំណែកជនរងគ្រោះ ភេទស្រី អាយុ៥ឆ្នាំ រស់នៅភូមិអូរតាមែង ឃុំអន្លង់វែង ស្រុកអន្លង់វែងជាមួយគ្នា ។
ដើមចមនៃអំពើឃាតកម្មនោះ ត្រូវបានម្តាយជនរងគ្រោះរៀបរាប់ប្រាប់ថា រាល់ថ្ងៃគាត់ជាម្តាយបានទៅរកសុីលក់ដូរបាត់ៗពីផ្ទះធម្មតា នៅវេលាម៉ោងខាងលើ ក៏បានត្រឡប់មកពីលក់វិញ តែបាត់កូនមិនឃើញនៅផ្ទះ ។ ពេលដឹងថា បាត់កូនហើយ គាត់ជាម្តាយបាននាំមេភូមិនិងប្រជាការពារជួយដើររករហូតដល់ម៉ោង៩និង៣០នាទីយប់ ទើបបានប្រទះឃើញសាកសពកូនស្រីដេកស្លាប់ក្នុងថ្លុកឈាម ក្នុងព្រៃខាងក្រោយផ្ទះ ដែលត្រូវបានឃាតករមិនស្គាល់មុខសម្លាប់ដោយអារផ្តាច់បំពង់ក និងចាក់បំបែកគ្រាប់ភ្នែកទាំងសងខាងយ៉ាងព្រៃផ្សៃបំផុត ។
សមត្ថកិច្ចបានឲ្យដឹងថា ក្រោយពេលទទួលបានព័ត៌មានអំពីហេតុការណ៍ខាងលើនេះភ្លាមក្រោមការបញ្ជាផ្ទាល់ពីលោកស្នងការ និងស្នងការរងទទួលផែនព្រហ្មទណ្ឌគឺលោកឧត្តមសេនីយ៍ត្រី ឡឹក សុខា បានដឹកនាំកម្លាំងជំនាញចុះសហការជាមួយកម្លាំងសមត្ថកិច្ចនគរបាលស្រុកអន្លង់វែង ទៅកាន់កន្លែងកើតហេតុបើកការស៊ើបអង្កេតនិងស្រាវជ្រាវជាបន្ទាន់ រហូតបានកំណត់មុខសញ្ញានិងឈានដល់ការឃាត់ខ្លួនជនសង្ស័យវេលាម៉ោង១០និង៤០នាទីយប់ថ្ងៃដដែលនោះ ។ ជនសង្ស័យមាន ឈ្មោះ ជិន ជឿន ភេទប្រុស អាយុ១៧ឆ្នាំ ទីលំនៅស្រុកបារាយណ៍ ខេត្តកំពង់ធំ មកស្នាក់រកស៊ីនៅភូមិអូរតាមែង ឃុំអន្លង់វែង ស្រុកអន្លង់វែង ខេត្តឧត្តរមានជយ័ មានមុខរបរធ្វើសិប្បកម្មឈើ ។
សមត្ថកិច្ចបន្តថា ឆ្លងតាមការសួរចម្លើយជនសង្ស័យបានសារភាពថា ខ្លួនពិតជាបានធ្វើសកម្មភាពសម្លាប់ជនរងគ្រោះប្រាកដមែន គឺនៅវេលាម៉ោងខាងលើខ្លួនបានដើរទៅចាប់បីជនរងគ្រោះ ដែលកំពុងតែដេកលង់លក់នៅលើអង្រឹងក្រោមផ្ទះម្នាក់ឯង បាននាំចូលទៅក្នុងព្រៃចម្ងាយប្រហែលជា៨០ម៉ែត្រពីផ្ទះ ។ ពេលទៅដល់ក្នុងព្រៃ ជនរងគ្រោះក៏បានភ្ញាក់ដឹងខ្លួន ភ្លាមនោះខ្លួន«ឃាតករ»បានចាប់ច្របាច់កជនរងគ្រោះរហូតដល់សន្លប់ ។ លុះពេលជនរងគ្រោះសន្លប់ហើយ ខ្លួនបានធ្វើសកម្មភាពរំលោភសេពសន្ថវៈនាងរហូតបានសម្រេចទៀត ។
ក្រោយពេលរំលោភរួចហើយ ខ្លួនបានច្របាច់កបន្ថែម និងបានដើរទៅយកកូនកាំបិតចិតបន្លែចុងស្រួចនៅផ្ទះរបស់ខ្លួន ដើរត្រឡប់មកកន្លែងកើតហេតុវិញ ហើយបានអារផ្តាច់បំពង់កជនរងគ្រោះ ព្រោះខ្លាចមិនទាន់ស្លាប់និងបានយកកូនកាំបិតនោះចាក់ទម្លុះគ្រាប់ភ្នែកទាំងពីរទៀត ព្រោះធ្លាប់ឮគេនិយាយថា បើសម្លាប់មនុស្សចាក់ឬខ្វេះគ្រាប់ភ្នែកចេញនោះ សមត្ថកិច្ចមិនអាចរកឃាតករឃើញទេ ។ ចំពោះមូលហេតុដែលសម្លាប់ជនរងគ្រោះ គឺកន្លងមកខ្លួនធ្លាប់មានទំនាស់ជាមួយម្តាយជនរងគ្រោះ ហើយម្តាយជនរងគ្រោះតែងតែដៀលខ្លួនថា មកនៅសំយ៉ាបផ្ទះគេហើយខ្លាំងទៀត ។
សាកសពត្រូវបានសមត្តកិច្ចពិនិត្យឃើញថា ពិតជាមានស្នាមអារផ្តាច់បំពង់កពីខាងមុខក្រោមចង្កា និងស្នាមចាក់បំបែកគ្រាប់ភ្នែកទាំងពីរប្រាកដមែន ។ សមត្ថកិច្ចបញ្ជាក់ថា ចំណែកត្រង់ទ្វារមាសជនរងគ្រោះ ពុំមានស្លាកស្នាមអ្វីខុសប្លែកនោះឡើយ ។ ជនសង្ស័យត្រូវបានសមត្ថកិច្ចកំពុងកសាងសំណុំរឿងបញ្ជូនទៅសាលាដំបូងខេត្តតាមនីតិវិធីហើយ ៕
ចែករំលែកព័តមាននេះ