រាជធានីភ្នំពេញ ៖ កាលពីវេលាម៉ោង៣និង៣០នាទីរសៀលថ្ងៃទី១៤ ខែតុលា ឆ្នាំ២០១៨ នៅអធិការនគរបាលខណ្ឌដូនពេញ បានធ្វើការបង្ហាញក្រុមជនសង្ស័យប្រុសស្រីចំនួន១១នាក់ ក្រោយពីធ្វើការបង្ក្រាបបានក្នុងរយៈពេល ២ថ្ងៃជាប់ៗគ្នានេះ ដែលមានការពាក់ព័ន្ធទៅនឹងករណីលួច…
រាជធានីភ្នំពេញ ៖ កាលពីវេលាម៉ោង៣និង៣០នាទីរសៀលថ្ងៃទី១៤ ខែតុលា ឆ្នាំ២០១៨ នៅអធិការនគរបាលខណ្ឌដូនពេញ បានធ្វើការបង្ហាញក្រុមជនសង្ស័យប្រុសស្រីចំនួន១១នាក់ ក្រោយពីធ្វើការបង្ក្រាបបានក្នុងរយៈពេល ២ថ្ងៃជាប់ៗគ្នានេះ ដែលមានការពាក់ព័ន្ធទៅនឹងករណីលួច ឆក់ និងពាក់ព័ន្ធថ្នាំញៀន ។
តាមប្រភពពីនគរបាលខណ្ឌដូនពេញបានប្រាប់ឱ្យដឹងថា នៅរសៀលថ្ងៃនេះដែរ កម្លាំងនគរបាលនៃអធិការ
ដ្ឋានខណ្ឌដូន ពេញ បានធ្វើការបង្ហាញមុខក្រុមជនសង្ស័យសរុបចំនួន១១នាក់ ក្នុងនោះមានស្រីចំនួន៤នាក់ ដែលកម្លាំងមានសមត្ថកិច្ចរបស់លោកបានធ្វើការបង្ក្រាបបានក្នុងរយៈពេល២ថ្ងៃជាប់ៗគ្នានេះ។
ក្រៅពីការចាប់ឃាត់ខ្លួនក្រុមជនសង្ស័យប្រុសស្រីទាំង១១នាក់ខាងលើនេះដែរ កម្លាំងរបស់លោកក៏បានធ្វើការដកហូតម៉ូតូចំនួន៤គ្រឿង ដាវសាម៉ូរ៉ៃចំនួន២ដើម ស្លាកលេខម៉ូតូចំនួន២ ថ្នាំញៀនចំនួន៨កញ្ចប់ រួមទាំងវត្ថុតាងផ្សេងៗមួយចំនួនទៀតផង។
ប្រភពដដែលបានប្រាប់បន្តទៀតដែរថា ការបង្ក្រាបនេះដែរបានធ្វើឡើងចំនួន៣ករណីផ្សេងៗគ្នា ក្នុងនោះមាន ករណីទី១-គឺជាករណីលួចម៉ូតូ ដោយមានចំនួន២ករណីឃាត់ខ្លួនមនុស្សចំនួន៤នាក់ (ស្រី១នាក់) ករណីទី២-ជាករណីគ្រឿងញៀន ដោយបានធ្វើការចាប់ឃាត់ខ្លួនមនុស្សចំនួន៥នាក់ (ស្រី៣នាក់) និងករណីទី៣-ជាករណីឆក់ ដោយឃាត់ខ្លួនបានជនសង្ស័យចំនួន២នាក់ផងដែរ។
ដោយកម្លាំងរបស់លោកបានធ្វើការបង្ក្រាបបាននៅតាមបណ្តារសង្កាត់មួយចំនួន ដែលស្ថិតនៅក្នុងភូមិ សាស្ត្ររបស់លោកជាបន្តបន្ទាប់គ្នា ហើយក្រុមជនសង្ស័យទាំងនេះក៏នឹងប្រឈមមុខទៅនឹងការអនុវត្តន៍ច្បាប់ទៅតាម ទោសកំហុសរៀងៗខ្លួនផងដែរ។
ជាចុងក្រោយលោកក៏បានបញ្ជាក់ទៀតថា ក្រុមជនសង្ស័យប្រុសស្រីទាំង១១នាក់ខាងលើ ដែលកម្លាំងរបស់លោកធ្វើការបង្ក្រាបបាន កំពុងតែកសាងសំណុំរឿងដើម្បីបញ្ជូនទៅកាន់តុលាការចាត់ការទៅតាមផ្លូវច្បាប់ជាបន្តទៅទៀតផងដែរ ៕
ចែករំលែកព័តមាននេះ