រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា នាព្រឹកនេះមានករណីប្រទះឃើញសពបុរសម្នាក់អណ្តែតទឹកនៅក្នុងអូរមួយកន្លែងបង្កឱ្យមានការភ្ញាក់ផ្អើលនៅវេលាម៉ោង៧និង៣០នាទីព្រឹក ថ្ងៃទី១៥ ខែតុលា ឆ្នាំ២០១៨ នេះ ។ ហេតុការណ៍នេះកើតឡើងនៅចំណុចប្រឡាយអូរវែង…
រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា នាព្រឹកនេះមានករណីប្រទះឃើញសពបុរសម្នាក់អណ្តែតទឹកនៅក្នុងអូរមួយកន្លែងបង្កឱ្យមានការភ្ញាក់ផ្អើលនៅវេលាម៉ោង៧និង៣០នាទីព្រឹក ថ្ងៃទី១៥ ខែតុលា ឆ្នាំ២០១៨ នេះ ។ ហេតុការណ៍នេះកើតឡើងនៅចំណុចប្រឡាយអូរវែង ភូមិក្រោលគោ សង្កាត់គីឡូម៉ែត្រលេខ៦ ខណ្ឌឬស្សីកែវ ។
តាមប្រភពបានឱ្យដឹងថា សពដែលគេប្រទះឃើញក្នុងប្រឡាយអូរវែងនោះមានឈ្មោះ ចិន រតនៈ ភេទប្រុស អាយុ៤៣ឆ្នាំ មានលំនៅភូមិក្រោលគោ សង្កាត់គីឡូម៉ែត្រលេខ៦ ខណ្ឌឬស្សីកែវ ដោយសពជនរងគ្រោះខាងលើបានបាត់ខ្លួនតាំងពីថ្ងៃភ្ជុំបិណ្ឌមកម្ល៉េះ ហើយក្រុមគ្រួសារក៏បានតាមរក និងប្តឹងទៅកាន់សមត្ថកិច្ចផងដែរ ។
ស្រាប់តែវេលាកើតហេតុខាងលើមានប្រជាពលរដ្ឋដែលធ្វើដំណើរតាមដងផ្លូវអើតមើលទៅក្នុងប្រឡាយក៏ប្រទះឃើញសពជនរងគ្រោះតែម្តង និងបានរាយការណ៍ទៅកាន់សមត្ថកិច្ចចុះមកពិនិត្យកន្លែងកើតហេតុផងដែរ ។
បើតាមសមត្ថកិច្ច និងក្រុមគ្រួសារបានឱ្យដឹងថា ជនរងគ្រោះអាចស្រវឹងស្រាធ្លាក់ក្នុងទឹកប្រឡាយលង់ទឹកស្លាប់ ហើយគួរបញ្ជាក់ថា ជនរងគ្រោះមានសតិមិនប្រក្រតីតែងតែផឹកស្រាស្រវឹងខួបជាប្រចាំផងដែរ ៕
ចែករំលែកព័តមាននេះ