រាជធានីភ្នំពេញ ៖ បុរសជាអ្នករត់ម៉ូតូកង់បីម្នាក់ត្រូវបានប្រជាពលរដ្ឋប្តឹងសមត្ថកិច្ចឃាត់ខ្លួនបន្ទាប់ពីប្រើអំពើហិង្សាវាយប្រពន្ធនៅតាមផ្លូវ បណ្តាលឲ្យបាក់ដៃកាលពីវេលាម៉ោង៨និង៤០នាទីយប់ នៅផ្លូវជាតិលេខ៤ ចំណុចស្តុបទំនុបកប់ស្រូវ ស្ថិតនៅភូមិជម្ពូវ័ន សង្កាត់ចោមចៅ៣ ខណ្ឌពោធិ៍សែនជ័យ។ ជនសង្ស័យវាយប្រពន្ធមានឈ្មោះថោ…
រាជធានីភ្នំពេញ ៖ បុរសជាអ្នករត់ម៉ូតូកង់បីម្នាក់ត្រូវបានប្រជាពលរដ្ឋប្តឹងសមត្ថកិច្ចឃាត់ខ្លួនបន្ទាប់ពីប្រើអំពើហិង្សាវាយប្រពន្ធនៅតាមផ្លូវ បណ្តាលឲ្យបាក់ដៃកាលពីវេលាម៉ោង៨និង៤០នាទីយប់ នៅផ្លូវជាតិលេខ៤ ចំណុចស្តុបទំនុបកប់ស្រូវ ស្ថិតនៅភូមិជម្ពូវ័ន សង្កាត់ចោមចៅ៣ ខណ្ឌពោធិ៍សែនជ័យ។
ជនសង្ស័យវាយប្រពន្ធមានឈ្មោះថោ ឃុន ភេទប្រុស អាយុ៣៦ឆ្នាំ មុខរបររត់ម៉ូតូកង់បី ស្នាក់នៅមិនពិតប្រាកដ មានស្រុកកំណើតនៅភូមិរំលិច ឃុំទួលសាលា ស្រុកបសេដ្ឋ ខេត្តកំពង់ស្ពឺ ។ មានប្រពន្ធឈ្មោះពៅ ហ៊ួយ អាយុ៣៨ឆ្នាំ មុខរបរកម្មកររោងចក្រ រស់នៅភូមិរំលិច ឃុំទួលសាលា ស្រុកបសេដ្ឋ ខេត្តកំពង់ស្ពឺ ។
តាមប្រភពព័ត៌មានពីបុរសយោធាម្នាក់ដែលកំពុងហូបបាយជាមួយគ្រួសារនៅជិតកន្លែងកើតហេតុបាននិយាយថា មុនពេលកើតហេតុបានឃើញស្ត្រីម្នាក់ និងបុរសម្នាក់ខាងលើកំពុងឈ្លោះប្រកែកគ្នានៅចិញ្ចើមផ្លូវជាតិលេខ៤ ហើយឃើញបុរសម្នាក់ខាងលើបានវាយស្ត្រីជាប្រពន្ធបណ្តាលឲ្យបាក់ដៃម្ខាងនឹងវាយម៉ូតូនារីជាប្រពន្ធបណ្តាលឲ្យរងការខូចខាត បន្ទាប់មកប្រជាពលរដ្ឋបានទាក់ទងទៅកម្លាំងនគរបាលប៉ុស្តិ៍ចោមចៅ៣មកឃាត់ជនសង្ស័យភ្លាមៗផងដែរ ប៉ុន្តែពេលកម្លាំងនគរបាលប៉ុស្តិ៍ចោមចៅ៣ទៅដល់កន្លែងកើតហេតុមិនឃើញជនរងគ្រោះជាប្រពន្ធនោះឡើយ គ្រាន់តែដឹងថា ប្រពន្ធទៅប្តឹងបាត់ហើយ តែមិនឃើញជនរងគ្រោះជាប្រពន្ធមកប្តឹងទេ ។
ចំណែកឯជនសង្ស័យដែលវាយប្រពន្ធសមត្ថកិច្ចបានសួរនាំបុរសខាងលើបានសារភាពថា គាត់មិនបានវាយប្រពន្ធនោះទេខឹងពេកវាយតែម៉ូតូតិចតួចទេ ហើយប្រពន្ធគាត់បានជិះម៉ូតូទៅផ្ទះបាត់ដែរហើយ សូម្បីលេខទូរស័ព្ទក៏មិនមានប្រើដែរ ។ បន្ទាប់មកបុរសខាងលើមិនស្គាល់លេខទូរស័ព្ទបងប្អូន ដើម្បីធានាទៅវិញសមត្ថកិច្ចនគរបាលប៉ុស្តិ៍ចោមចៅ៣ឲ្យសម្រាកនៅប៉ុស្តិ៍នគរបាលមួយយប់សិនចាំមានបងប្អូន និងក្រុមគ្រួសារមកធានាទើបឲ្យត្រឡប់ទៅវិញ ៕
ចែករំលែកព័តមាននេះ