ពិធីបង្សុកូលឧទ្ទិសព្រះរាជកុសល ថ្វាយព្រះវិញ្ញាណក្ខន្ធព្រះមហាវីរក្សត្រ
- ភ្នំពេញ
សាធារណរដ្ឋកូរ៉េ ៖ ឯកអគ្គរាជទូតកម្ពុជា ប្រចាំសាធារណរដ្ឋកូរ៉េ លោក ឡុង ឌីម៉ង់ ព្រមទាំងមន្ត្រីការទូត និងបុគ្គលិក នាថ្ងៃអាទិត្យ…
សាធារណរដ្ឋកូរ៉េ ៖ ឯកអគ្គរាជទូតកម្ពុជា ប្រចាំសាធារណរដ្ឋកូរ៉េ លោក ឡុង ឌីម៉ង់ ព្រមទាំងមន្ត្រីការទូត និងបុគ្គលិក នាថ្ងៃអាទិត្យ ៥កើត ខែអស្សុជ ឆ្នាំច សំរិទ្ធស័ក ព.ស២៥៦២ ត្រូវនឹងថ្ងៃទី១៤ ខែតុលា ឆ្នាំ២០១៨នេះ បានរៀបចំធ្វើពិធីបង្សុកូល ដើម្បីឧទ្ទិសព្រះរាជកុសលថ្វាយព្រះវិញ្ញាណក្ខន្ធព្រះករុណា សម្តេចព្រះបរមរតនកោដ្ឋ សម្តេចព្រះនរោត្តម សីហនុ ព្រះមហាវីរក្សត្រ គម្រប់ខួប៦ឆ្នាំ នៃការយាងចូលទិវង្គតរបស់ព្រអង្គ (១៥ តុលា ២០១២ -១៥ តុលា ២០១៨)។
សូមដួងព្រះវិញាណក្ខន្ធព្រះបរមរតនកោដ្ឋទ្រង់គង់ប្រថាប់ដោយសុខក្សេមក្សាន្តនាទីឋានព្រះបរមសុខកុំបីឃ្លៀងឃ្លាតឡើយ។ លោក ឡុង ឌីម៉ង់ បានមានប្រសាសន៍ថា កូន ចៅ ចៅទួតរបស់ព្រះអង្គ មិនអាចបំភ្លេចព្រះអង្គបានទេ…!។ ទូលព្រះបង្គុំយើងខ្ញុំទាំងអស់គ្នា នៅកូរ៉េបានថ្វាយព្រះរាជមហាកុសល ដល់ព្រះវិញ្ញាណក្ខន្ធ សម្តេចព្រះបរមរតនកោដ្ឋ ក្នុងខួប៦ឆ្នាំ ដែលព្រះអង្គយាងសោយព្រះទីវង្គត ដោយក្តីអាឡោះអាល័យបំផុត។
សូមក្រាបថ្វាយព្រះរាជកុសល ដល់ព្រះវិញ្ញាណក្ខន្ធ ព្រះបរមរតនកោដ្ឋ សូមបានយាងទៅសោយសុខនៅឋានសួគ៌ា និងសូមកម្ពុជាទទួលបានតែសុខសន្តិភាព វិបុលភាព និងរីកចម្រើនជានិច្ចនិរន្តរ៍ ក្នុងឱកាសគម្រប់ខួប៦ឆ្នាំ នៃយាងសោយទិវង្គត របស់សម្តេចឪ សម្តេចតា សម្តេចតាទួត ព្រះបិតាឯករាជ្យជាតិខ្មែរ ព្រះបាទសម្តេចព្រះ នរោត្ដម សីហនុ ព្រះបរមរតនកោដ្ឋ៕
ចែករំលែកព័តមាននេះ