ខេត្តត្បូងឃ្មុំ ៖ ក្រោមការស្រាវជ្រាវរបស់សមត្ថកិច្ចគ្រប់លំដាប់ថ្នាក់នូវទីបំផុតជនសង្ស័យជាឃាតករ
ចំនួន២នាក់ ត្រូវបានចាប់ខ្លួនបានហើយ នឹងបាននាំទៅដាក់ពន្ធនាគារខេត្ត នារសៀលថ្ងៃទី១៤ តុលា
២០១៨ រង់ចាំការវិនិច្ឆ័យតាមក្រោយ ។
ដែលក្រុមនេះបានសម្លាប់ទៅលើប្រធានឆ្មាំការពារចម្ការកៅស៊ូមូលដ្ឋានច្រាបក្រុមហ៊ុនចម្ការកៅស៊ូជប់ ឈ្មោះ ប៊ិន ម៉េងស៊ា ភេទប្រុស អាយុ៣៥ឆ្នាំ នៅត្រង់ចំនុច ឡូត៍កៅស៊ូលេខ 8.17A ក្នុងភូមិ6.16 ឃុំគរ ស្រុកត្បូងឃ្មុំ កាលពីវេលាម៉ោង៦ព្រឹកថ្ងៃទី០៧ តុលា ២០១៨ ដោយមានស្នាមកាប់ត្រូវរាងកាយចំនួន០៤កន្លែង ក្នុងនោះក្បាល១កន្លែង .ក១កន្លែង ដងខ្លួន១កន្លែង និងជើង១កន្លែង ។
លោកវរសេនីយ៍ត្រី សេង មិ អធិការរងនគរបាលស្រុកត្បូងឃ្មុំ ទទួលផែនព្រហ្មទណ្ឌប្រាប់ឲ្យដឹងថា
ជនសង្ស័យជាឃាតករ២នាក់នោះមាន១-ឈ្មោះ ឡី ស្នែ ភេទប្រុស អាយុ២៤ឆ្នាំ ខ្មែរអ៊ិស្លាម ភូមិវាលឃ្មុំ
ឃុំគរ ស្រុកត្បូងឃ្មុំ ២-ឈ្មោះ លី ម៉ាហុង ភេទប្រុស អាយុ២៩ឆ្នាំ នៅភូមិទឹកចេញ ឃុំគរ ស្រុកជាមួយ
គ្នា ។ ដែលការចាប់ខ្លួននេះក្នុងប្រតិបត្តិការបង្ក្រាបក្មេងទំនើងនៅថ្ងៃទី១១ តុលានេះ ក្រោយពីបានសួរនាំក៏ឆ្លើយសារភាពពិតជាបានសម្លាប់អ្នករងគ្រោះខាងលើពិតមែន ។ រហូតមកដល់ថ្ងៃទី១៤ តុលានេះ ត្រូវបានលោក ឡុច ឡៅ ចៅក្រមស៊ើបសួរសាលាដំបូងខេត្ត បានចោទប្រកាន់ពីបទឃាតកម្ម ប្រព្រឹត្តិនៅភូមិ៦,១៦ ឃុំគរ ស្រុកត្បូងឃ្មុំ កាលពីថ្ងៃទី០៦ តុលា ២០១៨ កន្លងទៅ ។
លោកឧត្តមសេនីយ៍ត្រី ប្រាក់ ប៊ុនណុនស្នងការរងនគរបាលខេត្តប្រាប់ឲ្យដឹងថា មូលហេតុដែលឃាត
ករទាំង២នាក់ខាងលើ បានព្រួតគ្នាសម្លាប់អ្នករងគ្រោះ ព្រោះតែខឹងដោយសារកន្លងទៅអ្នករងគ្រោះធ្លាប់បានរាយការណ៍ប្រាប់ឲ្យសមត្ថកិច្ចចាប់បក្សពួករបស់គេរឿងជួញដូរគ្រឿងញៀន ។ លុះមកដល់ថ្ងៃកើតហេតុនោះក៏បានអន្ទងអ្នករងគ្រោះ ឲ្យទៅកន្លែងស្ងាត់ក្នុងចម្ការកៅស៊ូ រួចក៏កាប់ប្រហារតែម្តង ។
គួររំលឹកថា ក្រោយពីបានប្រជាពលរដ្ឋប្រទះឃើញសពនោះប៉ុស្តិ៍រដ្ឋបាលមូលដ្ឋានបានរាយការណ៍មករូបលោក និងរាយការណ៍បន្តទៅលោកឧត្តមសេនីយ៍ទោ បែន រ័ត្ន ស្នងការនគរបាលខេត្តដោយបានចាត់ឲ្យកម្លាំងសមត្ថកិច្ចជាច្រើននាក់ចុះមកពិនិត្យសព ដោយមានរួមសហការជាមួយនឹងពេទ្យមណ្ឌលសុខភាពឃុំគរផងដែរ ។
លោកវរសេនីយ៍ត្រី សេង មិ អធិការរងនគរបាលស្រុកត្បូងឃ្មុំប្រាប់បន្តថា វត្ថុតាងដែលបន្សល់ទុកនៅ
កន្លែងកើតហេតុក្នុងនោះមានដូចជា ម៉ូតូហុងដាឌ្រីម C 125 ពណ៌ខ្មៅមួយគ្រឿង ទឹកផ្លែឈើ០១កេស
ដែលជារបស់អ្នកស្លាប់ ។ ប្រធានឆ្មាំការពារកៅស៊ូរូបនេះកន្លងមកធ្លាប់បានចាប់ពលរដ្ឋដែលចូលមក
រើសជ័រកៅស៊ូស្ងួត នៅតាមឡូត៍កៅស៊ូ ហើយត្រូវបានលោក ម៉េង ស៊ា ធ្លាប់បានចាប់ធ្វើការអប់រំជាហូរ
ហែរផងដែរ ។ ហើយត្រង់ទីតាំងដែលស្លាប់នេះ តាមការសនិ្នដ្ឋានសពអាចត្រូវបានឃាតករប្រើប្រាស់
អាវុធរឹងចុងស្រួចវែងកាប់ប្រហារមកលើអ្នករងគ្រោះស្លាប់ ចន្លោះម៉ោង៦ល្ងាចទៅម៉ោង១២យប់ថ្ងៃទី
០៦តុលា ២០១៨ ត្រង់ទីតាំងដែលស្លាប់នេះក៏នូវមិនឆ្ងាយប៉ុន្មានពីផ្ទះរបស់អ្នកស្លាប់ដែរ ៕
ចែករំលែកព័តមាននេះ