ខេត្តក្រចេះ ៖ នគរបាលស្រុកសំបូរ បានចាប់ខ្លួនបុរសជាឱពុកចុងម្នាក់ទៅតាមពាក្យ បណ្តឹងរបស់ស្ត្រីជាម្តាយ បន្ទាប់ពីជននេះបានធ្វើសកម្មភាពចាប់រំលោភទៅលើកូនស្រីចុង អាយុ១២ឆ្នាំម្នាក់រហូតបានសម្រចជាច្រើនលើកច្រើនសារ។
អធិការរងនគរបាលព្រហ្មទណ្ឌស្រុកសំបូរ លោកវរសេនីយ៍ត្រី នួន សារិន បានឲ្យដឹងថា ជនសង្ស័យជាឱពុករូបនេះឈ្មោះ ហុក ណារ៉េត ហៅតឿ អាយុ៣៣ឆ្នាំ រស់នៅឃុំស្រែស្បូវ ស្រុកសំបូរ ត្រូវកម្លាំងនគរបាលស្រុកចាប់ខ្លួននៅថ្ងៃទី១៤ តុលា ទៅតាមពាក្យបណ្តឹង ស្ត្រីជាម្តាយរបស់ក្មេងស្រីរងគ្រោះជាកូនចុងអាយុ១២ឆ្នាំ ដែលជននេះបានចាប់រំលោភនាង បានសម្រេចរហូត៦ដង។
បើតាមលោកអធិការរងបញ្ជាក់ទៀតថា ក្មេងស្រីរងគ្រោះជាកូនចុងរូបនេះមានបង ប្អូន២នាក់នាងជាកូនស្រីបង ហើយម្តាយឱពុកនាងបានលែងលះគ្នាជាច្រើនឆ្នាំមកហើយ។ សព្វថ្ងៃស្ត្រីជាម្តាយបានយកជនសង្ស័យធ្វើជាប្តី និងមានកូនប្រុសម្នាក់។
លោកអធិការបានឲ្យដឹងថា កាលពីថ្ងៃកើតហេតុ ទី១៣ តុលា ក្មេងស្រីរងគ្រោះនៅផ្ទះជាមួយប្អូន ខណៈម្តាយទៅស៊ីឈ្នួលច្រូតស្រូវឲ្យគេនៅខាងក្រោយភូមិ។ ជនសង្ស័យ ជាឱពុកចុងរូបនេះបានសំឡុតប្អូនប្រុសនាងឲ្យដេក និងបានធ្វើសកម្មភាពរំលោភនាង បើទោះបីជានាងប្រឹងរើបំរះ តែជននេះបានគំរាមសម្លាប់ ហើយចាប់នាងរំលោភរហូតបានសម្រេច។ ពេលធ្វើសកម្មភាពរំលោភរួច ស្រាប់តែមានស្ត្រីជាម្តាយមីងរបស់ក្មេងស្រីរងគ្រោះឡើងមកលើផ្ទះក៏ឃើញទាន់ ទើបបែកធ្លាយដល់ស្ត្រីជាម្តាយរបស់ក្មេងស្រីរងគ្រោះ ក៏មានការប្តឹងមកនគរបាលមូលដ្ឋាន ទើបឈានឲ្យមានការចាប់ខ្លួន។
តាមការសាកសួរពីនគរបាល ជនសង្ស័យឆ្លើយសារភាពថា រូបគេធ្លាប់បាន ធ្វើសកម្មភាពចាប់រំលោភកូនស្រីចុងអាយុ១២ឆ្នាំម្នាក់នេះសម្រចរហូតដល់ទៅ៦ដង។ ហើយរឿងនេះក៏ទើបបែកធ្លាយ។ រាល់សកម្មភាពចាប់រំលោភទៅលើរូបនាងជនសង្ស័យគឺតែងតែប្រើពាក្យគំរាមកំហែងនាង ទើបនាងមិនហ៊ានយករឿងនេះប្រាប់ទៅនរណាឲ្យដឹងនោះទេ។
ចែករំលែកព័តមាននេះ