ខេត្តត្បូងឃ្មុំ ៖ គ្រោះថ្នាក់ចរាចរណ៍ដែលបានកើតឡើងរវាងម៉ូតូបុកជាមួយម៉ូតូ បណ្តាលឱ្យស្លាប់២នាក់ និងរងរបួសធ្ងន់៣នាក់ត្រង់ចំណុចមុខប៉ុស្តិ៍រដ្ឋបាលឃុំគង់ជ័យ ស្រុកអូររាំងឪ ។ ហេតុការណ៍នេះបានកើតឡើងនៅវេលាម៉ោង១០និង២៥នាទីយប់ថ្ងៃទី១១ តុលា ២០១៨…
ខេត្តត្បូងឃ្មុំ ៖ គ្រោះថ្នាក់ចរាចរណ៍ដែលបានកើតឡើងរវាងម៉ូតូបុកជាមួយម៉ូតូ បណ្តាលឱ្យស្លាប់២នាក់ និងរងរបួសធ្ងន់៣នាក់ត្រង់ចំណុចមុខប៉ុស្តិ៍រដ្ឋបាលឃុំគង់ជ័យ ស្រុកអូររាំងឪ ។ ហេតុការណ៍នេះបានកើតឡើងនៅវេលាម៉ោង១០និង២៥នាទីយប់ថ្ងៃទី១១ តុលា ២០១៨ ។
តាមនគរបាលចរាចរណ៏ខេត្តត្បូងឃ្មុំ ឲ្យដឹងថាៈ ម៉ូតូមួយគ្រឿងម៉ាកស្គូពី ពណ៌ក្រហម គ្មានពាក់ស្លាកលេខជិះគ្នាចំនួន៣នាក់ បើកបរដោយឈ្មោះ ធឿន ប៊ុនថេង ភេទប្រុស អាយុ២៩ឆ្នាំ នៅភូមិថ្មី ឃុំគងជ័យ ស្រុកអូររាំងឪ បានស្លាប់ពេលបញ្ជូនដល់មន្ទីរពេទ្យ ចំណែកអ្នករួមដំណើរទាំង២នាក់ ម្នាក់ឈ្មោះ ស្រ៊ិន ម៉េងស្រៀក ភេទប្រុស អាយុ២៧ឆ្នាំ បានរងរបួសធ្ងន់ និងម្នាក់ទៀតឈ្មោះ ថាសារ៉ាត ភេទប្រុស អាយុ២៤ឆ្នាំ បានរងរបួសធ្ងន់ ។
ភាគីម៉ូតូមួយគ្រឿងម៉ាកនិចជិះគ្នា២នាក់ ដែលបើកបរដោយឈ្មោះសុត សុភ័ក្រ ភេទប្រុស អាយុ១៩ឆ្នាំ នៅភូមិគងជ័យ ឃុំគងជ័យ បានស្លាប់នៅនឹងកន្លែងកើតហេតុ ចំណែកអ្នករួមដំណើរឈ្មោះហាក់ ឡេង ភេទប្រុស អាយុ១៧ឆ្នាំ នៅភូមិឃុំជាមួយគ្នា បានរងរបួសធ្ងន់។
នគរបាលចរាចរណ៏ខេត្តត្បូងឃ្មុំ ប្រាប់បន្តថា មុនកើតហេតុម៉ូតូស្តូបពីជិះពីទិសខាងទិសខាងត្បូងមកជើង ចំនែកម៉ូតូមួយគ្រឿងទៀតបានជិះបញ្ច្រាសទិសគ្នា ស្របពេលមកដល់ត្រង់ចំនុចមុខប៉ុស្តិ៍រដ្ឋបាលគងជ័យ ស្រាប់តែបុកគ្នាពេញទំហឹងតែម្តង ។
នៅក្នុងហេតុការណ៏គ្រោះថ្នាក់ចរាចរណ៍ដ៏រន្ធត់ខាងលើនេះបណ្តាលឲ្យស្លាប់អ្នកបើកបរម៉ូតូស្គូពីម្នាក់ ពេលបញ្ជូនទៅដល់មន្ទីរពេទ្យនោះ ហើយអ្នកបើកបរម៉ូតូម៉ាកនិចបានស្លាប់នៅនឹងកន្លែងកើតហេតុតែម្តង ចំណែកអ្នករួមដំណើរម៉ូតូទាំង២គ្រឿងដែលមានគ្នាសរុបចំនួន៣នាក់បានរងរបួសធ្ងន់ត្រូវបានបញ្ជូនទៅសង្គ្រោះនៅមន្ទីរពេទ្យស្រុក។
វត្ថុតាងម៉ូតូទាំង២គ្រឿងត្រូវបានជំនាញស្រុកនាំមករក្សាទុកនៅអធិការដ្ឋាននគរបាលស្រុកអូររាំងឪដើម្បីដោះស្រាយតាមច្បាប់ ៕
ចែករំលែកព័តមាននេះ