រាជធានីភ្នំពេញ ៖ នាព្រឹកថ្ងៃទី១៤ តុលានេះកម្លាំងសមត្ថកិច្ចជំនាញនៃការិយាល័យស្រាវជ្រាវបទល្មើសគ្រឿងញៀនកងរាជអាវុធហត្ថរាជធានីភ្នំពេញបានធ្វើការបញ្ជូនមនុស្សប្រុសស្រីចំនួន១១នាក់ទៅសាលាដំបូងរាជធានីភ្នំពេញពាក់ព័ន្ធគ្រឿងញៀន ។
មនុស្សប្រុសស្រីទាំង១១នាក់នោះត្រូវបានសមត្ថកិច្ចជំនាញឃាត់ខ្លួន កាលពីថ្ងៃទី១១ តុលានេះខណៈដែលពួកគេកំពុងប្រមូលផ្តុំគ្នាជក់គ្រឿងញៀននៅពីរចំណុចផ្សេងគ្នាក្នុងថ្ងៃតែមួយ ។
មនុស្ស១១នាក់មានទី១- ឈ្មោះកែវ ចរិយ៉ា ភេទស្រី អាយុ២៣ឆ្នាំ ទី២- ឈ្មោះថា សីហា ភេទប្រុស អាយុ២៣ឆ្នាំ ទី៣ -ឈ្មោះងួន ចាន់ដារ៉ូ ភេទប្រុស អាយុ២៨ឆ្នាំ ទី៤-ឈ្មោះឃីម វាសនា ភេទប្រុស អាយុ១៨ឆ្នាំ ទី៥- ឈ្មោះអ៊ុំ ដាវុធ ភេទប្រុស អាយុ១៧ឆ្នាំ ទី៦-ឈ្មោះអឿន រឹទ្ធ ភេទប្រុស អាយុ២៨ឆ្នាំ (៦នាក់នេះឃាត់ខ្លួនបានកាលពីរសៀលថ្ងៃទី១១ តុលា នៅចំណុច ផ្ទះសំណង់មិនរៀបរយ ភូមិ១ សង្កាត់ស្ទឹងមានជ័យ ខណ្ឌមានជ័យ) ។ ទី៧-ឈ្មោះឈឿន សុភ័ស្រ ភេទប្រុស អាយុ៣២ឆ្នាំ ទី៨-ឈ្មោះប្រាក់ រតនា ភេទប្រុស អាយុ២៥ឆ្នាំ ទី៩-ឈ្មោះសា គឹមសៃ ភេទប្រុស អាយុ២៥ឆ្នាំ ទី១០-ឈ្មោះហ៊ឹម រ៉ាយុទ្ធ ភេទប្រុស អាយុ២៣ឆ្នាំ និងទី១១-ឈ្មោះឆាយ សុភី ភេទប្រុស អាយុ២៥ឆ្នាំ (៥នាក់នេះឃាត់ខ្លួនបានកាលពីរសៀលថ្ងៃទី១១ តុលា នៅចំណុចផ្ទះសង់ថ្មី ផ្លូវលំ ភូមិដីថ្មី សង្កាត់គោកឃ្លៀង ខណ្ឌសែនសុខ រាជធានីភ្នំពេញ ។
មនុស្ស១១នាក់កំពុងស្ថិតនៅតំណាងអយ្យការអមសាលាដំបូងរាជធានីភ្នំពេញ ធ្វើការសាកសួរពាក់ពន្ធបទល្មើសគ្រឿងញៀនមិនទាន់ដឹងពីជោគវាសនាពួកគាត់និងទៅជាយ៉ាងណានៅឡើយទេ ៕
ចែករំលែកព័តមាននេះ