បុរសម្នាក់បានដាច់បាយដាច់ទឹក ហើយក៏បាន…
- បន្ទាយមានជ័យ
ខេត្តបន្ទាយមានជ័យ ៖ បុរសម្នាក់ដែលគេស្គាល់ឈ្មោះ នួន រិន ភេទប្រុស អាយុ៥០ឆ្នាំ នៅភូមិកំព្រាម ឃុំប្រាសាទ ស្រុកព្រះនេត្រព្រះ…
ខេត្តបន្ទាយមានជ័យ ៖ បុរសម្នាក់ដែលគេស្គាល់ឈ្មោះ នួន រិន ភេទប្រុស អាយុ៥០ឆ្នាំ នៅភូមិកំព្រាម ឃុំប្រាសាទ ស្រុកព្រះនេត្រព្រះ…
ខេត្តបន្ទាយមានជ័យ ៖ បុរសម្នាក់ដែលគេស្គាល់ឈ្មោះ នួន រិន ភេទប្រុស អាយុ៥០ឆ្នាំ នៅភូមិកំព្រាម ឃុំប្រាសាទ ស្រុកព្រះនេត្រព្រះ ខេត្តបន្ទាយមានជ័យបានស្រាស្រវឹងប្រចាំរយៈពេលជាច្រើនថ្ងៃដាច់បាយដាច់ទឹកកើតខ្យល់គរដួលស្លាប់ ។ ហេតុការណ៍បង្កឲ្យមានការភ្ញាក់ផ្អើលនេះបានកើតឡើងនៅចន្លោះម៉ោង៨ទៅម៉ោង១១ព្រឹក ថ្ងៃទី១៣ ខែតុលា ឆ្នាំ២០១៨ ។
ចំណែកឯប្រពន្ធបានរត់ចេញពីផ្ទះរយៈពេលចំនួន១៥ថ្ងៃមកហើយ ដោយទៅរស់នៅជាមួយបងប្អូននៅឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យ ដោយសារតែប្ដីមានឈ្មោះខាងលើតែងតែវាយធ្វើបាប ។ នេះបើតាមការឲ្យដឹងពីលោកវរសេនីយ៍ឯក មាស ប្ញទ្ធី អធិការនគរបាល ស្រុកព្រះនេត្រព្រះបានប្រាប់ឲ្យដឹងនៅថ្ងៃទី១៤ ខែតុលា ឆ្នាំ២០១៨ ។
លោកអធិការបានបញ្ជាក់ប្រាប់ទៀតថា បើឆ្លងតាមការបំភ្លឺរបស់ឈ្មោះ ភន់ ដៀប ភេទស្រី អាយុ៤២ឆ្នាំ ដែលនៅភូមិជាមួយបានបញ្ជាក់ប្រាប់សមត្ថកិច្ចថា នៅថ្ងៃទី១៣-១០-២០១៨វេលាម៉ោង០៧ព្រឹក គាត់បានជិះកងចេញពីផ្ទះបំរ៉ុងទៅផ្សារស្រុកក្រឡាញ់ ខេត្តសៀមរាប ពេលជិះមកដល់មុខផ្ទះជនរងគ្រោះបានឃើញជនរងគ្រោះដេកផ្ងារនៅនឹងដីមុខផ្ទះក្នុងរបង ដោយលឺសំឡេងធ្ងរ ពេលគាត់ក៏បានជិះកង់ទៅប្រាប់ឈ្មោះ ស៊ិន ហឿម ភេទប្រុស អាយុ៥៣ឆ្នាំ នៅភូមិជាមួយថា ឲ្យទៅជួយមើលឈ្មោះ នួន រិនផង ក្រោយពីប្រាប់រួចក៏ជិះកង់ទៅផ្សារស្រុកក្រឡាញ់បាត់ លុះដល់វេលាម៉ោង១១ថ្ងៃដដែលខ្លួនបានជិះកង់ត្រឡប់មកដល់មុខផ្ទះជនរងគ្រោះក៏បានឈប់មើលដោយហៅក្មេងប្រុស-ស្រី២-៣នាក់មកឈរមើលពីក្រៅរបងផងឃើញជនរងគ្រោះដេកហាមាត់ ខ្លួនក៏បានឲ្យក្មេងចូលទៅមើលឲ្យជិតក្មេងដែលទៅមើលបានប្រាប់ថា ជនរងគ្រោះបានស្លាប់បាត់ហើយ លឺដូច្នេះគាត់ក៏បានដើរទៅប្រាប់មេភូមិថា ឈ្មោះ រិនស្លាប់បាត់ហើយ ។
លោកវរសេនីយ៍ឯក មាសប្ញទ្ធី បានបន្តថា បន្ទាប់ពីទទួលបានព័ត៌មាន លោកបានបង្កើតជាក្រុមគណៈកម្មាការដោយចាត់តាំងកម្លាំងជំនាញផ្នែកបច្ចេកទេសវិទ្យាសាស្ត្រ និងកម្លាំងនគរបាលប៉ុស្តិ៍ឃុំប្រាសាទ សហការជាមួយគ្រូពេទ្យឃុំ និងអាជ្ញាធរមូលដ្ឋានធ្វើការត្រួតពិនិត្យលើខ្លួនប្រាណសពពុំមានស្លាកស្នាមអ្វីគូរឲ្យកត់សម្គាល់ទេ ។
តាមការសន្និដ្ឋានរបស់ក្រុមគណៈកម្មការចំពោះការស្លាប់របស់ឈ្មោះ នួន រិន ភេទប្រុស អាយុ៥០ឆ្នាំ នៅភូមិកំព្រាម ឃុំប្រាសាទ ស្រុកព្រះនេត្រព្រះ ខេត្តបន្ទាយមានជ័យ អាចស្លាប់ដោយសារខ្យល់គរដួលស្លាប់ ពិតប្រាកដមែន ពុំមានពាក់ព័ន្ធនឹងករណីឃាតកម្មអ្វីឡើយ ព្រោះជនរងគ្រោះផឹកស្រាស្រវឹងជាប្រចាំដាច់បាយដាច់ទឹក បណ្តាលឲ្យកើតខ្យល់គរស្លាប់នៅនឹងផ្ទះម្នាក់ឯង ដោយគ្មានអ្នកជួយ ៕
ចែករំលែកព័តមាននេះ