ខេត្តកំពត ៖ ស្ត្រីចំណាស់ជាជនសង្ស័យបានប្រើឡាមវះកាបូបលុយតាមផ្សារ កាលពីវេលាម៉ោង៩ និង ២០នាទីព្រឹក ថ្ងៃទី១៣ តុលា ត្រូវបានអាជីវករចាប់ខ្លួនប្រគល់ឲ្យសមត្ថកិច្ចនគរបាលខេត្តកំពត ខណៈស្ត្រីជាជនសង្ស័យខាងលើកំពុងធ្វើសកម្មភាពយកឡាមឆូតស្បោងកាបូបដៃពីប្រជាពលរដ្ឋចូលរកទិញទំនិញក្នុងផ្សារកំពត…
ខេត្តកំពត ៖ ស្ត្រីចំណាស់ជាជនសង្ស័យបានប្រើឡាមវះកាបូបលុយតាមផ្សារ កាលពីវេលាម៉ោង៩ និង ២០នាទីព្រឹក ថ្ងៃទី១៣ តុលា ត្រូវបានអាជីវករចាប់ខ្លួនប្រគល់ឲ្យសមត្ថកិច្ចនគរបាលខេត្តកំពត ខណៈស្ត្រីជាជនសង្ស័យខាងលើកំពុងធ្វើសកម្មភាពយកឡាមឆូតស្បោងកាបូបដៃពីប្រជាពលរដ្ឋចូលរកទិញទំនិញក្នុងផ្សារកំពត ដែលស្ថិតភូមិកំពង់បាយខាងជើង សង្កាត់កំពង់បាយ ក្រុងកំពត ។
ជនសង្ស័យខាងលើឈ្មោះ ប្រាក់ នី ភេទស្រី អាយុ៥៨ឆ្នាំ មាននៅភូមិថ្មី សង្កាត់ឈូកវ៉ា ខណ្ឌព្រែកព្នៅ រាជ
ធានីភ្នំពេញ ។ ចំណែកជនរងគ្រោះឈ្មោះ អុឹង ពៅ ភេទស្រី អាយុ៤៥ឆ្នាំ រស់នៅភូមិចាំយាម ឃុំប៉ាក់ខ្លង ស្រុកមណ្ឌលសីម៉ា ខេត្តកោះកុង។
ជនរងគ្រោះបានរៀបរាប់ប្រាប់សមត្ថកិច្ចថា នៅវេលាម៉ោងខាងលើ ជនរងគ្រោះបានដើរចូលរកទិញទំនិញក្នុងផ្សារ ស្រាប់តែមានស្ត្រីចំណាស់ជាជនសង្ស័យម្នាក់បានដើរពីក្រោយហើយបានធ្វើសកម្មភាពវះកាបូបស្ពាយយកបានកាបូបដៃនៅខាងក្នុងនោះ គោលបំណងយកលុយកាក់មាសប្រាក់របស់ជនរង គ្រោះ ។
ពេលនោះជនរង គ្រោះបានឃើញទាន់ និងស្រែកឆោឡោឡើង បណ្តាលឲ្យអាជីវករក្នុងផ្សារព្រួតគ្នាស្ទាក់ចាប់ជនសង្ស័យបានភ្លាម រួចប្រគល់ឱ្យកម្លាំងសមត្ថកិច្ច ដើម្បីចាត់ការតាមផ្លូវច្បាប់ ។
សមត្តកិច្ចឲ្យដឹងទៀតថា នៅពេលឃាត់ខ្លួនជនសង្ស័យ សមត្ថកិច្ចបានធ្វើការដកហូតវត្ថុតាង រួមមានកាបូបដៃរបស់ជនរងគ្រោះចំនួន១ និងលុយកាក់មួយចំនួនទៀត ។ វត្ថុតាងទាំងអស់នោះត្រូវបានសមត្ថកិច្ច ប្រគល់ឲ្យទៅជនរងគ្រោះវិញ ចំណែកជនសង្ស័យត្រូវបានសមត្ថកិច្ច កសាងសំណុំរឿង ដើម្បីបញ្ជូនទៅកាន់សាលាដំបូងខេត្តតាមនីតិវិធី ៕
ចែករំលែកព័តមាននេះ