មាឌតូចជាងមែន តែស៊ុតបំបាក់កីឡាករអ៊ីរ៉ង់បាក់ជន្ទល់ក្រោម
- ភ្នំពេញ
រាជធានីភ្នំពេញ ៖ ការប្រកួតអន្តរជាតិនៅលើសង្វៀនទូរទស្សន៍អាស៊ីអាគ្នេយ៍ កាលពីថ្ងៃអាទិត្យ ទី១៤ តុលា កីឡាករកម្ពុជា គង់ សំបូរ ទទួលបានជ័យជម្នះគួរឱ្យភ្ញាក់ផ្អើល…
រាជធានីភ្នំពេញ ៖ ការប្រកួតអន្តរជាតិនៅលើសង្វៀនទូរទស្សន៍អាស៊ីអាគ្នេយ៍ កាលពីថ្ងៃអាទិត្យ ទី១៤ តុលា កីឡាករកម្ពុជា គង់ សំបូរ ទទួលបានជ័យជម្នះគួរឱ្យភ្ញាក់ផ្អើល…
រាជធានីភ្នំពេញ ៖ ការប្រកួតអន្តរជាតិនៅលើសង្វៀនទូរទស្សន៍អាស៊ីអាគ្នេយ៍ កាលពីថ្ងៃអាទិត្យ ទី១៤ តុលា កីឡាករកម្ពុជា គង់ សំបូរ ទទួលបានជ័យជម្នះគួរឱ្យភ្ញាក់ផ្អើល ដោយសារតែបំបាក់កីឡាករមកពីអ៊ីរ៉ង់ឱ្យបោះបង់ការប្រកួតត្រឹមទឹកទី៣។ នេះជាការប្រកួតដែលមានការចាប់អារម្មណ៍យ៉ាងខ្លាំង ដោយសារតែមុនសម្រេចបោះបង់ការប្រកួតក្រោមដៃកីឡាករកម្ពុជា គឺកីឡាករអ៊ីរ៉ង់ក៏មានបច្ចេកទេសមិនធម្មតា។
ការប្រកួតនេះ កីឡាករ គង់ សំបូរ ក្នុងពេលបើកឆាកត្រូវគេគឃើញកីឡាករអ៊ីរ៉ង់ Daraei Arman វាយសន្ធាប់យ៉ាងចាស់ដៃ ដោយអ្នកគាំទ្រភាគច្រើនថែមទាំងប៉ាន់ស្មានថា នេះជាការប្រកួត ដែលកីឡាករកម្ពុជាអាចនឹងពិបាកស៊ីផង ជាពិសេសក្នុងពេលដែលកីឡាករអ៊ីរ៉ង់មានកណ្ដាប់ដៃពិបាកមើលស្រាល។
យ៉ាងណាមិញ ការប្រកួតទាំងនោះ ទើបតែឈានដល់ទឹកទី៣ប៉ុណ្ណោះក៏ត្រូវបញ្ចប់ដោយគ្មានការតវ៉ា ដោយសារកីឡាករកម្ពុជា ប្ដូរយុទ្ធសាស្ត្រឈប់ប្រើកណ្ដាប់ដៃ ហើយវាយសម្រុកស៊ុតយកៗធ្វើឱ្យកីឡាករអ៊ីរ៉ង់បាក់ជន្ទល់កណ្ដាលទី ឈានដល់ការសម្រេចចិត្តបោះបង់ការប្រកួត។
បើតាមអ្នកគាំទ្រនិយាយថា សំអាងលើកម្ពស់ និងកណ្ដាប់ដៃល្អ កីឡាករបរទេសមិនងាយឱ្យកីឡាករកម្ពុជា ដែលមាឌតូចជាងវាយចូលបានស្រួលនោះទេ ប៉ុន្តែបណ្ដាលមកពីកីឡាករបរទេសច្រើនតែអន់ជើងក្រោម ហើយកីឡាករកម្ពុជាក៏ច្រើនតែស៊ុតបំបាក់ជន្ទល់ ទើបទទួលជ័យជម្នះដូចករណី គង់ សំបូរ នៅក្នុងពេលនេះ។
ចែករំលែកព័តមាននេះ