ខេត្តកំពង់ស្ពឺ ៖ បុរសមិនស្គាល់អត្តសញ្ញាណម្នាក់បើករថយន្តបុករថយន្តគេ១គ្រឿងទៀត ដែលកំពុងបើកបញ្ច្រសទិសគ្នា បណ្តាលឲ្យខូចខាតធ្ងន់ធ្ងរបែរជាមិនទទួលខុសត្រូវបានដាក់មេផាយចោលរថយន្តនៅកន្លែងកើតហេតុ ។ គ្រោះថ្នាក់ចរាចរណ៍នេះបានកើតឡើងនៅម៉ោង៥និង២០នាទីរសៀល ថ្ងៃទី១៣ ខែតុលា ឆ្នាំ២០១៨ លើផ្លូវជាតិលេខ៤ ស្ថិតក្នុងភូមិត្រពាំងអត់ទឹក ឃុំគីរីវ័ន ស្រុកភ្នំស្រួច ។
រថយន្តបង្កម៉ាកឡិចស៊ីស RX៣០០ ពណ៌ទឹកមាស ពាក់ស្លាកលេខព្រះសីហនុ ២A-9925 អ្នកបើកបរមិនស្គាល់អត្តសញ្ញាណ ក្រោយកើតហេតុបានរត់គេចខ្លួន ។ រថយន្តរងគ្រោះម៉ាកឡិចស៊ីស RX330 ពណ៌ខ្មៅ ពាក់ស្លាកលេខភ្នំពេញ 2P-7277 អ្នកបើកបរឈ្មោះ គឹម សារឹទ្ធ ភេទប្រុស អាយុ៥៩ឆ្នាំ រស់នៅភូមិព្រៃសណ្តែក សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ។
ប្រភពព័ត៌មានពីសាក្សីនៅកន្លែងកើតហេតុបានឲ្យដឹងថា មុនពេលកើតហេតុគេឃើញរថយន្តបង្កបើកតាមផ្លូវជាតិលេខ៤ ទិសដៅពីកើតទៅលិច ។ លុះមកដល់ចន្លោះគីឡូម៉ែត្រលេខ៦៦-៦៧ ស្ថិតក្នុងភូមិកើតហេតុខាងលើបានរេចង្កូតទៅឆ្វេងដៃបុកជាមួយរថយន្តរងគ្រោះដែលកំពុងបើកបញ្ច្រាសទិសចំពីមុខពេញទំហឹង បណ្តាលឲ្យម្ចាស់រថយន្តឡិចស៊ីស RX- ៣៣០ រងរបួសស្រាល និងរថយន្តខូចខាតធ្ងន់ធ្ងរ តែអ្នកបង្កមិននៅដោះស្រាយបានដាក់មេផាយរត់ចោលរថយន្តបាត់ស្រមោល ។
ក្រោយកើតហេតុសមត្ថកិច្ចធ្វើអន្តរាគមន៍ស្ទូចយករថយន្តទាំង២គ្រឿងមករក្សាទុកនៅអធិការដ្ឋាននគ របាលស្រុកជាបណ្តោះអាសន្ន ដើម្បីស្រាវជ្រាវរកអ្នកបង្កឲ្យចូលខ្លួនដោះស្រាយសំណងតាមផ្លូវច្បាប់ ៕
ចែករំលែកព័តមាននេះ