ខេត្តសៀមរាប ៖ កម្លាំងការិយាល័យប្រឆាំងគ្រឿងញៀនខេត្ត បានចូលរួមសហការជាមួយ កម្លាំងអធិការដ្ឋាននគរបាលស្រុកសូទ្រនិគម ចុះបង្ក្រាបបទរក្សាទុក និងជួញដូរដោយខុសច្បាប់នូវសារធាតុញៀន នៅវេលាម៉ោង០៧និង០០នាទី ថ្ងៃទី១២ ខែតុលា ឆ្នាំ ២០១៨ នៅលំនៅដ្ឋានភូមិជ្រៃខាងត្បូង ឃុំកៀនសង្កែ ស្រុកសូទ្រនិគម ខេត្តសៀមរាប និងបានឃាត់ខ្លួនជនសង្ស័យចំនួន០៧នាក់ ។
តាមប្រភពពីប៉ូលិសគ្រឿងញៀនខេត្តបានប្រាប់ថា ក្រោយឃាត់ខ្លួនបានជនសង្ស័យកម្លាំងជំនាញបានធ្វើការដកហូតនូវវត្ថុតាងរួមមាន ៖ ម្សៅមេតំហ្វេតា មីនប្រភេទទឹកកកចំនួន០១កញ្ចប់ស្មើនឹងទំងន់១,០ ក្រាម(ទាំងសំបក), ឧបករណ៍ប្រើប្រាស់ និងសម្ភារវេចខ្ចប់គ្រឿងញៀនមួយចំនួន ទូរស័ព្ទដៃចំនួន០៥គ្រឿង ។
បច្ចុប្បន្នជនសង្ស័យទាំង៧នាក់ និងវត្ថុតាងមួយចំនួនត្រូវបានកម្លាំងជំនាញរៀបចំកសាងសំណុំរឿងបញ្ចូនទៅសាលាដំបូងថ្ងៃទី១៣ ខែតុលា ឆ្នាំ២០១៨ ដើម្បីចាត់ការតាមផ្លូវច្បាប់ ៕
ចែករំលែកព័តមាននេះ