អង្គការពលរដ្ឋកូរ៉េខាងត្បូងមួយថ្លែងកាល ពីថ្ងៃទី២៣ ឧសភាថា ប្រទេសកូរ៉េខាងជើងបានស្នើរៀបចំសកម្មភាពរួមគ្នាជាមួយកូរ៉េខាងត្បូង នូវពិធីរំលឹកខួបលើកទី១៣នៃសេចក្តីថ្លែងការណ៍រួមជាប្រវត្តិសាស្ត្ររវាងកូរ៉េទាំង២ដែលសេចក្តីថ្លែងការណ៍រួមនោះចុះហត្ថលេខាកាលពីឆ្នាំ២០០០ ។
យោងតាមទីភ្នាក់ងារព័ត៌មានកូរ៉េខាងត្បូង YONHAP ថា កូរ៉េខាងជើងនិយាយថា មធ្យោបាយតែ១គត់សម្រាប់ភា្ជប់ទំនាក់ទំនងឡើងវិញរវាងកូរ៉េទាំង២ ហើយបង្កើតបរិបទអនុគ្រោះមួយដល់ការបង្រួបបង្រួមដោយស្វយ័តគឺការអនុវត្តសេចក្តីថ្លែងការណ៍ជាប្រវត្តិសាស្ត្រថ្ងៃទី១៥ មិថុនា ឆ្នាំ២០០០ មុនពេលស្នើរៀបចំធ្វើសកម្មភាពរួមមួយនៅលើភ្នំ MONT KUMGANG ឬនៅភ្នំ កាអឺសុង ។
សេចក្តីថ្លែងការណ៍ដែលចុះហត្ថលេខាដោយលោកគីមដេយ៉ុង ប្រធានាធិបតីកូរ៉េខាងត្បូងសម័យនោះ និងលោកគីមជុងអីុល មេដឹកនាំកំពូលកូរ៉េខាងជើង កាលពីខែមិថុនា ឆ្នាំ២០០០ លើកទឹកចិត្តឱ្យមានកិច្ចសហប្រតិបត្តិការសេដ្ឋកិច្ចអន្តរកូរ៉េ និងការផ្លាស់ប្តូរគ្នាក្នុងវិស័យឯទៀតៗ ។អ្នកទទួលខុសត្រូវម្នាក់នៃក្រសួងបង្រួបបង្រួមកូរ៉េខាងត្បូងថ្លែងថា រដ្ឋាភិបាលចាប់អារម្មណ៍ចំពោះសំណើនោះ ៕
ចែករំលែកព័តមាននេះ