ខេត្តស្ទឹងត្រែង ៖ សេចក្តីរាយការណ៍ឱ្យដឹងថា ជនសង្ស័យជាមុខសញ្ញាមេខ្លោងខាងលួចយ៉ាងសកម្មបំផុតម្នាក់ ត្រូវចាប់ខ្លួនបញ្ជូនទៅសាលាដំបូងខេត្ត នៅព្រឹកថ្ងៃ១៣ តុលា នេះ ដែលជនសង្ស័យជាមុខសញ្ញាលួចនៅក្នុងក្រុងស្ទឹងត្រែង មានបក្សពួកច្រើននាក់ ដែលកំពុងតាមចាប់ខ្លួនផងដែរ ។
សេចក្តីរាយការណ៍បន្តថា ជនសង្ស័យខាងលើឈ្មោះឈ្មោះ ឡៃ ខាំទីប ហៅប៊ូ អាយុ២១ឆ្នាំ មានទីលំនៅក្នុងភូមិហាងសាវ៉ាត ឃុំសាមឃួយ ស្រុកសេសាន ខេត្តស្ទឹងត្រែង ពាក់ព័ន្ធករណីលួចម៉ូតូច្រើនលើកនៅក្នុងខេត្តស្ទឹងត្រែង ខណៈកម្លាំងមិនដែលចាប់បានឡើយក្នុងពេលរូបគេធ្វើសកម្មភាព ។
ប្រភពបន្តថា ក្រោយមក ជនសង្ស័យរូបនេះបានគេចរហូតបាត់ខ្លួនអស់រយៈពេល២ឆ្នាំ ទើបតែបង្ហាញមុខនៅស្រុកសៀមប៉ាងថ្មីៗនេះ ។ នាយការិយាល័យព្រហ្មទណ្ឌកម្រិតស្រាលលោក ហោវុទ្ធី បានប្រាប់កោះសន្តិភាព នៅព្រឹកថ្ងៃដដែលនេះថា ជនសង្ស័យក្រោមការចាប់ខ្លួុនពីកម្លាំងអធិការដ្ឋាននគរបាលស្រុកសៀមប៉ាងក្រោមនីតិវិធីអនុវត្តដីការបង្គាប់ឱ្យចាប់ខ្លួនរបស់តុលាការ ដោយមានការចង្អុលបង្ហាញពីការិយាល័យព្រហ្មទណ្ឌកម្រិតស្រាលដែរ ។
ចែករំលែកព័តមាននេះ