ខេត្តកំពង់ចាម ៖ សេចក្តីរាយការណ៍ឱ្យដឹងថា រ៉ឺម៉កម៉ូតូមួយគ្រឿង បានជួបគ្រោះថា្នក់ចរាចរណ៍ជិះទៅបុកបង្គោលថ្មបេតុងសុវត្ថិភាព បណ្តាលឱ្យរងរបួសមនុស្ស៣នាក់ មានប្តីនិងកូន២នាក់ កាលពីវេលាម៉ោង១១និង២០នាទីព្រឹកថ្ងៃទី១៣ តុលា នេះ…
ខេត្តកំពង់ចាម ៖ សេចក្តីរាយការណ៍ឱ្យដឹងថា រ៉ឺម៉កម៉ូតូមួយគ្រឿង បានជួបគ្រោះថា្នក់ចរាចរណ៍ជិះទៅបុកបង្គោលថ្មបេតុងសុវត្ថិភាព បណ្តាលឱ្យរងរបួសមនុស្ស៣នាក់ មានប្តីនិងកូន២នាក់ កាលពីវេលាម៉ោង១១និង២០នាទីព្រឹកថ្ងៃទី១៣ តុលា នេះ ស្ថិតលើផ្លូវជាតិលេខ៦ ខាងជើងស្ពានលេខ២៨ ក្នុងភូមិបែកពាង ឃំុជាលា ស្រុកបាធាយ ។
សេចក្តីរាយការណ៍បន្តថា រ៉ឺម៉កម៉ូតូគ្មានស្លាកលេខ បើកបរដោយឈ្មោះទួន វៃ ភេទប្រុស អាយុ៣២ឆ្នាំ មានទីលំនៅភូមិសេរីចំប៉ា ឃុំចំលង ស្រុកបារាយណ៍ ខេត្តកំពង់ធំ បើកក្នុងទិសដៅពីត្បូងទៅជើងដល់ចំណុចខាងលើ បានជ្រុលបុកបង្គោលសុវត្ថិភាពដោយខ្លួនឯង មូលហេតុគឺដោយសារការធ្វេសប្រហែស ដែលនៅពេលដែលរ៉ឺម៉ករអិលធ្លាក់ចុះផ្លូវចំណោត ប្រពន្ធកូនមានគ្នា៣នាក់នាំគ្នាលោតចេញ ។
បន្ទាប់មក រ៉ឺម៉កបានរអិលធ្លាក់ចូលទៅក្នុងទឹកក្បែរស្ពានត្រស់នោះ ដោយប្តីរងរបួសបាក់ជើងម្ខាង ហើយត្រូវបានបញ្ជូនមកសង្គ្រោះនៅមន្ទីរពេទ្យបង្អែកស្រុកបាធាយ និងបាននាំបន្តទៅសង្គ្រោះនៅរាជធានីភ្នំពេញ ។
ចែករំលែកព័តមាននេះ