រាជធានីភ្នំពេញ ៖ រថយន្តម៉ាកហុីយ៉ានដាយមួយគ្រឿងដឹកបន្លែផ្លែឈើពេញ បានជ្រុលចង្កូតទៅបុកបង្កាន់ដៃស្ពានលេខ៤ បណ្តាលឱ្យមនុស្សប្រុស-ស្រីរងរបួសធ្ងន់-ស្រាល៤នាក់ ហើយរថយន្ត និងបង្កាន់ដៃស្ពានរងកាខូចខាតមួយកំណាត់មុខស្ទើរទាំងស្រុងទៅមុខលែងរួច ។
ហេតុការណ៍នេះ បានកើតឡើងកាលពីវេលាម៉ោង០៤ និង៣០នាទីទៀបភ្លឺថ្ងៃទី១៣ តុលា ស្ថិតតាមបណ្តោយផ្លូវជាតិលេខ៦អា ត្រង់ចំណុចស្ពានលេខ៤ ក្នុងភូមិបាក់ខែង សង្កាត់ព្រែកលៀប ខណ្ឌជ្រោយចង្វារ ។
ប្រភពន្តថា រថយន្តបង្ក ម៉ាកហុីយ៉ាន់ដាយ ពណ៌ខៀវ ពាក់ស្លាកលេខកំពង់ចាម 2A-9044 ។ រីឯបង្កាន់ដៃស្ពានរលំបង្គោល២របើក និងវៀចដែកបង្កាន់ដៃស្ពាន ។ ចំណែកឯអ្នកបើកនិងអ្នករួមដំណើរ
ដែលរងរបួសធ្ងន់ស្រាលប្រុសស្រីទាំង៤នាក់ មិនត្រូវបានស្គាល់ឈ្មោះនោះទេ ។
តាមប្រភពនៅកន្លែងកើតហេតុបានឱ្យដឹងទៀតថា គេឃើញបុរសម្នាក់ បើករថយន្តមួយគ្រឿងដឹកបន្លែ
ផ្លែឈើពេញរថយន្តធ្វើដំណើរ តាមបណ្តោយផ្លូវជាតិលេខ៦ ក្នុងទិសដៅពីទៅត្បូងទៅជើង ។ លុះមកដល់ចំណុចកើតហេតុខាងលើ រថយន្តរេចង្កូតមកឆ្វេងដៃ ក៏បានជ្រុលចង្កូតទៅបុកបង្កាន់ដៃស្ពានតែម្តង ។
ក្រោយកើតហេតុ សមត្ថកិច្ចមូលដ្ឋានបានចុះមកដល់កន្លែងកើតហេតុបានទំនាក់ទំនងទៅសមត្ថកិច្ចជំនាញចុះមកធ្វើកាវាសវែងស្ទូចយករថយន្តបង្ករទៅរក្សាទុកនៅការិយាល័យចរាចរផ្លូវគោករាជធានីភ្នំពេញ រង់ចាំការដោះស្រាយគ្នា ។
ចែករំលែកព័តមាននេះ