ខេត្តកណ្ដាល ៖ សេចក្តីរាយការណ៍បឋមបានឱ្យដឹងថា កាលពីវេលាម៉ោង៨ និង២០នាទីយប់ថ្ងៃទី១២ តុលា មានករណីឃាតកម្មមួយកើតឡើង ស្ថិតនៅចំណុចលើផ្លូវជាតិលេខ៨ ក្នុងភូមិកោះរកា ឃុំព្រែក អញ្ចាញ ស្រុកមុខកំពូល ខេត្តកណ្តាល ដោយជនមិនស្គាល់មុខបានវាយសម្លាប់បុរសម្នាក់ជាកម្មករឡឥដ្ឋ ។
សេចក្តីរាយការណ៍បន្តថា ជនរងគ្រោះខាងលើ ត្រូវគេស្គាល់ឈ្មោះ រៀម បូរ៉ា ភេទប្រុស អាយុ១៩ឆ្នាំ ជាកម្មករឡឥដ្ឋ មានស្រុកកំណើតនៅភូមិវត្តចាស់ ឃុំព្រែកដំបង ស្រុកមុខកំពូល បច្ចុប្បន្ន ស្នាក់នៅក្នុងឡ
ឥដ្ឋព្រះអាទិត្យ២ ភូមិឈើទាល ឃុំព្រែកអញ្ចាញ ស្រុកមុខកំពូល ខេត្តកណ្តាល។
បើតាមសមត្តកិច្ចមូលដ្ឋានថា ករណីនេះ អាចកើតឡើងនៅពេលមេឃងងឹតរកកលចង់ភ្លៀង ។ ក្រោយមកកម្លាំងប៉ុស្តិ៍បានទទួលព័ត៌មានពីប្រជាពលរដ្ឋថា មានមនុស្សម្នាក់ត្រូវគេវាយសម្លាប់ ស្ថិតនៅលើផ្លូវជាតិលេខ៨ ជិតស្ពានព្រែកតាមាក់ ភូមិកោះរកា ឃុំព្រែកអញ្ចាញ ។ បន្ទាប់ពីទទួលបានភ្លាម សមត្ថកិច្ចមូលដ្ឋានចុះមកដល់កន្លែងកើតហេតុ ដោយមានឃើញយុវជនម្នាក់ ត្រូវឃាតករវាយសម្លាប់ដេកស្លាប់ក្នុងថ្លុកឈាម ក៏ធ្វើការហ៊ុំព័ទ្ធ និងបានរាយការណ៍ទៅថ្នាក់លើ និងបង្កើតគណៈកម្មការចុះត្រួតពិនិត្យ រហូតដល់ម៉ោង១០ និង៤៥នាទីថ្ងៃដដែល ។
ករណីនេះ ត្រូវសមត្ថកិច្ចជំនាញការិយាល័យកំរិតធ្ងន់ការិយាល័យកំរិតស្រាល នៃស្នងការដ្ឋាន នគរបាលខេត្តកណ្ដាលសហការជាមួយផ្នែកជំនាញយុត្តិធម៌ ស្រុក កំពង់ស្រាវជ្រាវស៊ើបអង្កេត ស្វែងរកចាប់ខ្លួនជនជាឃាតករ ។
ចែករំលែកព័តមាននេះ