រាជធានីភ្នំពេញ ៖ សភាស៊ើបសួរសាលាឧទ្ធរណ៍ នៅព្រឹកថ្ងៃទី១២ ខែតុលា ឆ្នាំ២០១៨នេះ បានសម្រេចបដិសេធមិនឲ្យបុរសជនជាតិកូរ៉េ២នាក់ជាឪពុកកូននៅក្រៅឃុំនោះទេ ដែលជាប់ពាក់ព័ន្ធនឹង ករណីឆបោក និងលួចប្រាក់ពីក្រុមហ៊ុនចិនមួយអស់សាច់ប្រាក់ជាង៧លានដុល្លារ។…
រាជធានីភ្នំពេញ ៖ សភាស៊ើបសួរសាលាឧទ្ធរណ៍ នៅព្រឹកថ្ងៃទី១២ ខែតុលា ឆ្នាំ២០១៨នេះ បានសម្រេចបដិសេធមិនឲ្យបុរសជនជាតិកូរ៉េ២នាក់ជាឪពុកកូននៅក្រៅឃុំនោះទេ ដែលជាប់ពាក់ព័ន្ធនឹង ករណីឆបោក និងលួចប្រាក់ពីក្រុមហ៊ុនចិនមួយអស់សាច់ប្រាក់ជាង៧លានដុល្លារ។ សភាស៊ើបសួរនេះ ដឹកនាំដោយ លោក ឃុន លាងម៉េង ការសម្រេចនេះដោយសម្អាងហេតុថា សំណុំរឿងក្ដីនេះកំពុងស្ថិតក្នុង នីតិវិធីស៊ើបសួររបស់តុលាការថ្នាក់ក្រោម ហើយព្យួរសនកម្មមានទំហំធំដែលតុលាការមិនអនុញ្ញាតឲ្យជន ត្រូវចោទនៅក្រៅឃុំឡើយ។ សូមបញ្ជាក់ថា ក្នុងនីតិវិធីសវនាការរបស់សភាស៊ើបសួរនៃ សាលាឧទ្ធរណ៍នេះ គឺមិនមានវត្តមានរបស់ជនជាប់ចោទទាំង២នាក់នោះទេ។
កាលពីល្ងាចថ្ងៃទី ១៥ ខែកញ្ញា ឆ្នាំ២០១៨ កន្លងទៅ លោក សៀង សុខ ព្រះរាជអាជ្ញារងអមសាលាដំបូងរាជធានីភ្នំពេញ បានសម្រេចចោទប្រកាន់ជាផ្លូវការលើបុរសជនជាតិកូរ៉េ២នាក់ ជាឪពុក និងកូនពីបទឆបោក និងបទលួច ពាក់ព័ន្ធករណីឆបោកប្រាក់ទិញរថយន្តការពារគ្រាប់ និងលួចលុយក្រុមហ៊ុនចិនជាង៧លានដុល្លារ។ ជនត្រូវចោទទាំង២នាក់ក៏ត្រូវបានលោក យិន សារឿន ចៅក្រមស៊ើបសួរសម្រេចឃុំខ្លួនដាក់ពន្ធនាគារ ជាបណ្តោះអាសន្ន។ សូមបញ្ជាក់ផងដែរថា កងអាវុធហត្ថរាជធានីភ្នំពេញបានចាប់បញ្ជូនខ្លួន បុរសជនជាតិកូរ៉េ២នាក់ឪពុក និងកូន ទៅសាលាដំបូងរាជធានីភ្នំពេញកាលពីព្រឹកថ្ងៃទី១៤ ខែកញ្ញា ឆ្នាំ២០១៨ ពាក់ព័ន្ធនឹងករណីឆបោក និងលួចប្រាក់ពីក្រុមហ៊ុនចិនមួយអស់សាច់ប្រាក់ជាង ៧លានដុល្លារ។
ជនសង្ស័យដែលត្រូវចាប់ខ្លួនទី១.ឈ្មោះ ចូ ស៊ូពិន cho sopin ភេទប្រស អាយុ២៩ឆ្នាំ ជនជាតិកូរ៉េខាងត្បូង កាន់លិខិតឆ្លងដែនលេខ M36107313 ទី២.ឈ្មោះ ចូ សាមហ្សុង cho Samsung ភេទប្រុស អាយុ៦០ឆ្នាំ ជាឪពុក ទីលំនៅបច្ចុប្បន្នផ្ទះលេខ១៥ ផ្លូវ១១២៦ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។ ចំណែកជនរងគ្រោះដែលប្ដឹងជនជាតិកូរ៉េទាំង២នាក់ឪពុកកូនឈ្មោះ ជិន ជីហុង Jin zhehong ភេទប្រុស អាយុ៤៤ឆ្នាំ ជនជាតិចិន ជាពាណិជ្ជករ តំណាងឲ្យក្រុមហ៊ុន Shenyang Aiweiou Healfh Products Co ltd មានអសយដ្ឋានផ្ទះលេខ២៧ ផ្លូវលេខ១០០៧ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។
យោងតាមប្រភពព័ត៌មានពីអយ្យការអមសាលាដំបូង បានឲ្យងដឹថា ចំពោះពាក្យបណ្ដឹងរបស់ក្រុមហ៊ុនចិនដែលបានប្ដឹងជនជាតិកូរ៉េពីបទឆបោក មានទឹកប្រាក់ចំនួន ២៩២.០៤៥ដុល្លារ ប្រព្រឹត្តកាលពីអំឡុងខែវិច្ឆិកា ឆ្នាំ២០១៦ និងបទលួច មានទឹកប្រាក់ចំនួន ៧.២០៥.៨៨២ ដុល្លារ ប្រព្រឹត្តក្នុងឆ្នាំ២០១៧ និងបទក្លែងឯកសារសាធារណៈ និងបទប្រើប្រាស់ឯកសារសាធារណៈក្លែង៕
ចែករំលែកព័តមាននេះ