ឃុំខ្លួនជនសង្ស័យម្នាក់ ក្រោយទាស់ពាក្យសម្តីពេលលេងបៀ
- កណ្តាល
ខេត្តកណ្តាល ៖ លោក អ៊ី សុវណ្ណ ចៅក្រមស៊ើបសួរសាលាដំបូងខេត្តកណ្តាល នៅល្ងាចថ្ងៃទី១២ តុលា ២០១៨នេះ បានសម្រេចចេញដីកាឃុំខ្លួន…
ខេត្តកណ្តាល ៖ លោក អ៊ី សុវណ្ណ ចៅក្រមស៊ើបសួរសាលាដំបូងខេត្តកណ្តាល នៅល្ងាចថ្ងៃទី១២ តុលា ២០១៨នេះ បានសម្រេចចេញដីកាឃុំខ្លួន ជនសង្ស័យម្នាក់ដែលបានវាយជនរងគ្រោះ ដោយទាស់ពាក្យ សម្តី ពេលលេងបៀជាមួយគ្នា ដែលប្រព្រឹត្តនៅភូមិគោកព្រីង ឃុំគោកត្រប់ ស្រុកកណ្តាលស្ទឹង ខេត្តកណ្តាល កាលពីថ្ងៃទី១១ តុលា ២០១៨ តាមមាត្រ២១៧ នៃក្រមព្រហ្មទណ្ឌ ដាក់ពន្ធនាគារបណ្តោះអាសន្ន ពីបទ “ហិង្សាដោយចេតនា”។
ជនត្រូវចោទមានឈ្មោះ យី ផាន់នី ភេទប្រុស អាយុ២៤ឆ្នាំ រស់នៅភូមិគោកព្រីង ឃុំគោកត្រប់ ស្រុកកណ្តាលស្ទឹង ខេត្តកណ្តាល មុខរបររត់រ៉ឺម៉កកង់បី។ ជនរងគ្រោះឈ្មោះ វ៉ន សំណាង ភេទប្រុស អាយុ៣៤ឆ្នាំ រស់នៅភូមគោកព្រីង ឃុំគោកត្រប់ ស្រុកកណ្តាលស្ទឹង ខេត្តកណ្តាល មុខរបរកម្មកសំណង់។ នគរបាលបានឲ្យដឹងថា នៅថ្ងៃទីខែឆ្នាំកើត ហេតុជនរងគ្រោះ និងជនសង្ស័យបានបានលេងបៀជាមួយគ្នា ហើយក៏បានទាក់ពាក្យ សម្តីគ្នា ជនសង្ស័យក៏បានយកកំប៉ុងសាម៉ូរ៉ៃរកវាយក្បាលជនរងគ្រោះ រួចក៏ឈប់លេងវិលត្រឡប់ទៅផ្ទះ រៀងខ្លួន។
លុះដល់វេលាម៉ោងកើតហេតុ ជនសង្ស័យក៏បានដើរទៅផ្ទះជនរងគ្រោះបបួលជនរងគ្រោះ វាយគ្នាមួយស្មើដោយជនសង្ស័យនាំជនរងគ្រោះទៅ ផ្ទះមេភូមិផ្តិតមេដៃដឹងឮមិនមានអ្នកណាប្ដឹងគ្នាទេ។ នៅពេលអ្នកទាំងពីរបាននាំគ្នាដើរមកផ្ទះមេភូមិ ដើរបានពាក់កណ្តាលផ្លូវ ជនសង្ស័យក៏យកខ្សែក្រវាត់វាយ ទៅលើជនរងគ្រោះបែកក្បាល។ រួចជនរងគ្រោះក៏បានច្រានជន សង្ស័យដួល ហើយឈ្មោះ នៅ ត្រូវជាឪពុកក្មេកជនសង្ស័យក៏ ចាប់ជនរងគ្រោះ។ ជនសង្ស័យក៏វាយជនរងគ្រោះមួយខ្សែក្រវាត់ទៀត។ ក្រោយមកជនរងគ្រោះមកប្រាប់លោកនាយប៉ុស្តិ៍ផ្ទាល់មាត់និងដាក់ពាក្យប្តឹងសម្ថកិច្ចក៍ហៅជនសង្ស័យមក សាកសួរនិងបន្តមកអធិការដ្ឋាន៕
ចែករំលែកព័តមាននេះ