រាជធានីភ្នំពេញ ៖ ជនសង្ស័យម្នាក់ត្រូវបានគេចោទប្រកាន់ថាឆក់ទូរស័ព្ទពីបុរសម្នាក់ តែមិនបានសំរេចត្រូវបានប្រជាពលរដ្ឋដេញវាយ បណ្តាលអោយរងរបួសធ្ងន់ឈាមស្រោចពេញខ្លួន បង្កអោយមានការភ្ញាក់ផ្អើលកាលវេលាម៉ោង១០នឹង២០នាទីយប់ថ្ងៃទី១១ ខែតុលា ឆ្នាំ២០១៨ នៅតាមបណ្ដោយផ្លូវទំនប់កប់ស្រូវ ជិតកន្លែងបាញ់ស៊ីបចាស់…
រាជធានីភ្នំពេញ ៖ ជនសង្ស័យម្នាក់ត្រូវបានគេចោទប្រកាន់ថាឆក់ទូរស័ព្ទពីបុរសម្នាក់ តែមិនបានសំរេចត្រូវបានប្រជាពលរដ្ឋដេញវាយ បណ្តាលអោយរងរបួសធ្ងន់ឈាមស្រោចពេញខ្លួន បង្កអោយមានការភ្ញាក់ផ្អើលកាលវេលាម៉ោង១០នឹង២០នាទីយប់ថ្ងៃទី១១ ខែតុលា ឆ្នាំ២០១៨ នៅតាមបណ្ដោយផ្លូវទំនប់កប់ស្រូវ ជិតកន្លែងបាញ់ស៊ីបចាស់ ស្ថិតនៅភូមិសំរោងសង្កាត់ សំរោងក្រោម ខណ្ឌពោធិ៍សែនជ័យ ។
ជនសង្ស័យឈ្មោះលុន វិន ភេទប្រុស អាយុ៤១ឆ្នាំ មុខរបរកម្មកររោងចក្រ ស្នាក់នៅភូមិសាក់ប្រយុទ្ធ សង្កាត់ស្នោ ខណ្ឌពោធិ៍សែនជ័យ មានស្រុកកំណើតនៅស្រុកគៀនស្វាយ ខេត្តកណ្តាល ជនសង្ស័យខាងលើជិះម៉ូតូម៉ាក វីវ៉ា ពណ៍ខ្មៅពាក់ស្លាកលេខ ភ្នំពេញ១X-៦៨៤៥។
ជនរងគ្រោះឈ្មោះ ធី ចាន់ណា ភេទប្រុស អាយុ៣១ឆ្នាំ ជាបុគ្គលិកផែស្ងួតតេងឡាយ រស់នៅភូមិសំរោង សង្កាត់សំរោងក្រោម ខណ្ឌពោធិ៍សែនជ័យ ជាអ្នកបើកបរម៉ូតូមួយគ្រឿងម៉ាកវីវ៉ា ពណ៍ខ្មៅ ពាក់ស្លាកលេខ ភ្នំពេញ១X-៦៩៣៤។
តាមប្រភពព័ត៌មានពីជនរងគ្រោះបាននិយាយថា មុនពេលកើតហេតុ គាត់បានជិះម៉ូតូត្រឡប់មកពីផ្ទះវិញនៅភូមិត្រពាំងអញ្ចាញ គោលបំណងជិះម៉ូតូទៅផ្ទះវិញដោយធ្វើដំណើរតាមផ្លូវទំនប់កប់ស្រូវនោះបើកម៉ូតូមកដល់ចំណុចកើតហេតុដល់កន្លែងបាញ់ស៊ីបចាស់ ស្រាប់តែមានជនសង្ស័យម្នាក់ជិះម៉ូតូម៉ាកវីវ៉ាដូចគាត់ មានស្លាកលេខស្រដៀងគ្នា បានមកឆក់ទូរស័ព្ទរបស់គាត់ក្នុងទិសដៅស្របគ្នា បន្ទាប់មកដោយជនសង្ស័យខាងលើឆក់ពុំបានឡើយ។
ជនសង្ស័យខាងលើដដែលបានបក់ដៃហៅគាត់អោយមកតាម បន្ទាប់មកជនរងគ្រោះខាងលើបានជិះម៉ូតូតាមពីក្រោយតិចៗដោយស្រែកប្រជាពលរដ្ឋថា ចោរឆក់ទូរស័ព្ទរបស់គាត់ បន្ទាប់មកប្រជាពលរដ្ឋបានជិះម៉ូតូដេញជនសង្ស័យ ដែលកំពុងនិយាយជាមួយភេទទីបី ហើយជនសង្ស័យខាងលើដោយឃើញជនរងគ្រោះ ស្រែកថាចោរៗ ។
ប្រភពដដែលបានបន្តថា ពេលនោះជនសង្ស័យខាងលើបានបើកម៉ូតូត្រឡប់ក្រោយវិញយ៉ាងលឿន បានប្រមាណជាច្រើនរយម៉ែត្រ ដោយជនសង្ស័យដួលម៉ូតូអូស រលាត់ដៃរលាត់ជើងហើយត្រូវបានប្រជាពលរដ្ឋវាយបន្ថែមបណ្តាលឲ្យបែក ដាច់ស្លឹកត្រចៀកខាងស្តាំ ហូរឈាមស្រោចពេញខ្លួនរងរបួសយ៉ាងធ្ងន់ធ្ងរ។ លុះបន្ទាប់មកទើបដឹងដល់សមត្ថកិច្ចនគរបាលប៉ុស្តិ៍ សំរោងក្រោមមកដល់ កុំអីដឹងយ៉ាងណានោះឡើយ ។
បន្ទាប់មក សមត្ថកិច្ចនគរបាលប៉ុស្តិ៍សង្កាត់សំរោងក្រោមបាននាំជនសង្ស័យខាងលើទៅព្យាបាលនៅមណ្ឌលសុខភាព សង្កាត់សំរោងក្រោមមុននឹងសួរនាំ។
ក្រោយពេលកើតហេតុសមត្ថកិច្ចកំពុងសួរនាំជនសង្ស័យ ដោយជនសង្ស័យខាងលើ បាននិយាយថា ខ្លួនមិនបានឆក់ទូរស័ព្ទពីជនរងគ្រោះនោះឡើយ ចំណែកជនរងគ្រោះបានដាក់ពាក្យបណ្ដឹងដើម្បីអោយសមត្ថកិច្ចចាត់ការតាមនីតិវិធី ៕
ចែករំលែកព័តមាននេះ