ខេត្តបន្ទាយមានជ័យ ៖ កាលពីម៉ោង៧និង៣០នាទីយប់ថ្ងៃទី១១ តុលា ២០១៨ មានករណីគ្រោះថ្នាក់ចរាចរមួយកើតឡើង គឺរវាងម៉ូតូបុកជាមួយគោយន្តកន្ត្រៃមានសណ្តោងរ៉ឺម៉កពីក្រោយបណ្តាលឲ្យជនរងគ្រោះម្នាក់ស្លាប់នៅនឹងកន្លែងកើតហេតុ។ ហេតុការណ៍នេះកើតឡើងលើដងផ្លូវជាតិលេខ៥៩ ក្នុងភូមិកណ្តោល ឃុំអូរស្រឡៅ…
ខេត្តបន្ទាយមានជ័យ ៖ កាលពីម៉ោង៧និង៣០នាទីយប់ថ្ងៃទី១១ តុលា ២០១៨ មានករណីគ្រោះថ្នាក់ចរាចរមួយកើតឡើង គឺរវាងម៉ូតូបុកជាមួយគោយន្តកន្ត្រៃមានសណ្តោងរ៉ឺម៉កពីក្រោយបណ្តាលឲ្យជនរងគ្រោះម្នាក់ស្លាប់នៅនឹងកន្លែងកើតហេតុ។ ហេតុការណ៍នេះកើតឡើងលើដងផ្លូវជាតិលេខ៥៩ ក្នុងភូមិកណ្តោល ឃុំអូរស្រឡៅ ស្រុកម៉ាឡៃ។
ជនរងគ្រោះដែលស្លាប់ឈ្មោះឡាច កូននាង ភេទប្រុស អាយុ១៨ឆ្នាំ រស់នៅភូមិបឹងរាំង ឃុំស្រុកកើតហេតុខាងលើ។
ប្រភពពីកន្លែងកើតហេតុបានឲ្យដឹងថា មុនកើតហេតុ ជនរងគ្រោះបានជិះម៉ូតូមួយគ្រឿងធុនសេ១២៥ ស៊េរីឆ្នាំ២០១០ ពាក់ស្លាកលេខ បន្ទាយមានជ័យ ១D-១០៣៥ បើកបរក្នុងទិសដៅពីកើតទៅលិច លុះដល់ចំណុចកើតហេតុក៏បុកគោយន្តកន្ត្រៃមានសណ្តោងរ៉ឺម៉កដែលបើកបរស្របទិសគ្នា បណ្តាលឲ្យអ្នកបើកបរម៉ូតូស្លាប់នៅនឹងកន្លែងកើតហេតុតែម្តង។
ចំណែកអ្នកបើកបរគោយន្តកន្ត្រៃមានសណ្តោងរ៉ឺម៉កមិនត្រូវបានគេស្គាល់អត្តសញ្ញាណនោះទេ ក្រោយកើតហេតុបានរត់គេចខ្លួនបាត់។
ប្រភពព័ត៌មានបានឱ្យដឹងថា គោយន្តកន្ត្រៃនោះពុំមានភ្លើង ឬចំណាំងប្លាតពីខាងក្រោយឡើយ ។
សពត្រូវបានប្រគល់ឲ្យសាច់ញាតិនាំយកទៅលំនៅដ្ឋានដើម្បីធ្វើបុណ្យតាមប្រពៃណី។ ចំណែកគោយន្ត និងម៉ូតូត្រូវបានសមត្ថកិច្ចនាំយកទៅរក្សាទុកនៅអធិការដ្ឋាននគរបាលស្រុកម៉ាឡៃដើម្បីបន្តនីតិវិធី៕
ចែករំលែកព័តមាននេះ