តាមប្រភពព័ត៌មាន Manchester Evening News បានឲ្យដឹងថា កីឡាករវ័យក្មេងទើបល្បីនៅក្លិបមេឃខៀវរបស់អង់គ្លេស Phil Foden បានបង្ហើបថា ខ្លួនលេងបាល់តាមមិត្តរួមក្លិប David Silva និង ជើងខ្លាំងក្លិបអ្នកមានបុណ្យ Lionel Messi ។
នៅពេល Sky Sports សួរពីអាយដលរបស់ Phil Foden កីឡាកររូបនេះបាននិយាយថា ៖«ខ្ញុំបានឃើញគាត់ (David Silva) នៅ Man City ។ គាត់គឺជាកីឡាករអស្ចារ្យម្នាក់សម្រាប់ពួកយើង ហើយខ្ញុំចូលចិត្តមើលគាត់លេងណាស់ ។ នៅពេលខ្ញុំមើលគាត់ឲ្យកាន់តែច្បាស់ គាត់គឺជាកីឡាករអស្ចារ្យម្នាក់សម្រាប់ខ្ញុំ ហើយខ្ញុំចង់ធ្វើដូចគាត់នៅពេលអនាគត» ។
Foden បានបន្តថា ៖«ប្រហែលជាគាត់ និង Messi គឺជាកីឡាករអស្ចារ្យមួយរូប ។ ពួកគាត់គឺជាកីឡាករខ្លាំង ដែលមានបុគ្គលិកលក្ខណៈល្អ នៅលើតារាង ។ ខ្ញុំពិតជារំភើបណាស់រាល់ពេលដែលពួកគាត់លេង»។
គួរបញ្ជាក់ផងដែរថា ខ្សែបម្រើវ័យ១៨ឆ្នាំរូបនេះ បានចូលលេងឲ្យក្លិបអង់គ្លេស U21 ក្នុងការដណ្តើមពាន European Championship ជាមួយនឹង Andorra កាលពីយប់ថ្ងៃព្រហស្បត្តិ៍ និង ជាមួយនឹងស្កុតឡែននៅថ្ងៃអង្គារក្រោយ ៕
ចែករំលែកព័តមាននេះ