រាជធានីភ្នំពេញ ៖ ជនសង្សយជួញដូរខុសច្បាប់នូវសារធាតុញៀនត្រូវបានកម្លាំងនគរបាលប៉ុស្តិ៍ស្វាយប៉ាកឃាត់ខ្លួន និងដកហូតថ្នាំញៀន រួមមាន ម្សៅប្រភេទក្រាមពណ៌សថ្លាចំនួន២២កញ្ចប់ ក្នុងនោះធំ១កញ្ចប់ ថ្នាំគ្រាប់ពណ៌ផ្កាឈូក១គ្រាប់ ទូរស័ព្ទដៃចំនួន១គ្រឿងម៉ាក PHICOMM លុយចំនួន១៩០០០រៀល ឧបករណ៍ប្រើប្រាស់ និងថង់សំរាប់វេចខ្ចប់មួយចំនួន។
ការបង្ក្រាបគ្រឿងញៀននេះបានធ្វើឡើងកាលពីវេលាម៉ោង១០និង២៥នាទីយប់ ថ្ងៃទី១១ ខែតុលា ឆ្នាំ២០១៨ នៅត្រង់ចំណុចក្រុមទី៧ ភូមិឡកំបោរ សង្កាត់ស្វាយប៉ាក ខណ្ឌឬស្សីកែវ។
ជនសង្ស័យដែលត្រូវឃាត់ខ្លួន ឈ្មោះ ឡច សឿង ភេទប្រុស អាយុ២៦ឆ្នាំ មុខរបរមិនពិតប្រាកដ មានទីលំនៅ ភូមិតាព្រហ្ម ឃុំកំពង់អុស ស្រុកពញាឮ ខេត្តកណ្តាល ។
តាមនគរបាលបានអោយដឹងថា នៅយប់នោះកម្លាំងនគរបាលបានជិះល្បាតក្នុងមូលដ្ឋានប្រទះឃើញជនសង្ស័យកំពុងតែធ្វើសកម្មភាពចែកចាយគ្រឿងញៀនក៏ឃាត់ខ្លួន និងដកហូតវត្ថុតាងតែម្តង៕
ចែករំលែកព័តមាននេះ