លោកយ៉ូស៊ីហ៊ីដេ ស៊ូហ្គា អគ្គលេខាធិការនៃរដ្ឋាភិបាលជប៉ុនគូសបញ្ជាក់កាលពីថ្ងៃទី២២ ឧសភាថា នាយករដ្ឋមន្ត្រីជប៉ុនលោកស៊ីនហ្សូអាបេ នឹងទៅបំពេញទស្សនកិច្ចក្នុងប្រទេសមីយ៉ាន់ម៉ា(ភូមា) ពីថ្ងៃទី២៤ទៅ២៦ ឧសភា ដើម្បីពង្រឹងទំនាក់ទំនងសេដ្ឋកិច្ចទ្វេភាគី ដោយលោកនឹងកា្លយជានាយករដ្ឋមន្ត្រីជប៉ុនដំបូងគេទៅកាន់ប្រទេសនោះ ពុំធ្លាប់មានចាប់តាំងពី៣៦ឆ្នាំមកហើយ ។ពេលទៅ
លោកយ៉ូស៊ីហ៊ីដេ ស៊ូហ្គា អគ្គលេខាធិការនៃរដ្ឋាភិបាលជប៉ុនគូសបញ្ជាក់កាលពីថ្ងៃទី២២ ឧសភាថា នាយករដ្ឋមន្ត្រីជប៉ុនលោកស៊ីនហ្សូអាបេ នឹងទៅបំពេញទស្សនកិច្ចក្នុងប្រទេសមីយ៉ាន់ម៉ា(ភូមា) ពីថ្ងៃទី២៤ទៅ២៦ ឧសភា ដើម្បីពង្រឹងទំនាក់ទំនងសេដ្ឋកិច្ចទ្វេភាគី ដោយលោកនឹងកា្លយជានាយករដ្ឋមន្ត្រីជប៉ុនដំបូងគេទៅកាន់ប្រទេសនោះ ពុំធ្លាប់មានចាប់តាំងពី៣៦ឆ្នាំមកហើយ ។ពេលទៅបំពេញទស្សនកិច្ចនោះ លោកអាបេដែល នឹងអមដំណើរដោយអ្នកទទួលខុសត្រូវខាងពាណិជ្ជកម្មជប៉ុន១ក្រុមនោះនឹងជួបពិភាក្សាជាមួយបណ្តាអ្នកទទួលខុសត្រូវភូមាដើម្បីនិយាយគ្នាពីកិច្ចសហប្រតិបត្តិការសេដ្ឋកិច្ចទ្វេភាគី ។
ប្រទេសជប៉ុនបានកែលម្អទំនាក់ទំនងរបស់ខ្លួនជាមួយមីយ៉ាន់ម៉ា ចាប់តាំងពីការបង្កើតរដ្ឋាភិបាលរបស់លោកអាបេកាលពីខែធ្នូកន្លងទៅនេះ ហើយលោកតារ៉ូអាសូ ឧបនាយករដ្ឋមន្ត្រី និងជារដ្ឋមន្ត្រីហិរញ្ញវត្ថុជប៉ុន បានជ្រើសរើសយកប្រទេសមីយ៉ាន់ម៉ាសម្រាប់ទស្សនកិច្ចដំបូងរបស់លោកនៅឯបរទេសកាលពីខែមករាកន្លងទៅ ។ ពេលបំពេញទស្សនកិច្ចនេះ លោកតារ៉ូអាសូអះអាងជាថ្មីពីចេតនារបស់ជប៉ុន សម្រាលបំណុល៥០០ពាន់លានយេនប្រមាណជា៤,៨៧ពាន់លានដុល្លារ ដែលមីយ៉ាន់ម៉ាត្រូវចេញប្រាក់ជំពាក់នេះ ៥០ពាន់លានយេន(ប្រមាណ៤៨៧,៥លានដុល្លារ) សម្រាប់ការអភិវឌ្ឍន៍តំបន់សេដ្ឋកិច្ចមួយនៅមីយ៉ាន់ម៉ា ។
កាលពីខែមេសាកន្លងមក មេដឹកនាំប្រឆាំងភូមា លោកស្រីអ៊ួងសាន់សូ៊ូជី បានទៅបំពេញទស្សនកិច្ចដំបូងនៅប្រទេសជប៉ុន ក្រោយរយៈពេល២៧ឆ្នាំ ហើយស្នើដល់ជប៉ុនឱ្យវិនិយោគថែមទៀតក្នុងប្រទេសលោកស្រី ៕
ចែករំលែកព័តមាននេះ