ខេត្តកំពង់ធំ ៖ ហេតុការណ៍អន្ទឹតម្នាក់គាំងបេះដូងស្លាប់នៅលើផ្ទះគូដណ្តឹងបន្ទាប់ពីរួមរ័កជាមួយនាងរួចនោះ បានបង្កឲ្យមានការភ្ញាក់ផ្អើលកាលពីវេលាម៉ោង០៥និង១០នាទីព្រឹក ថ្ងៃ១១ ខែតុលា ឆ្នាំ២០១៨ ស្ថិតនៅក្នុងភូមិស្វាយស ឃុំកំពង់ចិនត្បូង ស្រុកស្ទោង ខេត្តកំពង់ធំ ។
តាមប្រភពពីលោកវរសេនីយ៍ទោ វ៉ន សុភ័ណ្ឌ អធិការរងនគរបាលស្រុកស្ទោងបានឲ្យដឹងថា ករណីបុរសម្នាក់គាំងបេះដូងស្លាប់ខាងលើនេះជនរងគ្រោះឈ្មោះ ហ៊ន ហ៊ល ភេទប្រុស អាយុ៣៥ឆ្នាំ ទើបតែសឹក រស់នៅភូមិស្រែក្រសាំង ឃុំពពក ស្រុកស្ទោង ។
បើតាមការបំភ្លឺពីស្ត្រីឈ្មោះ យ.ស.ខ ត្រូវជាគូដណ្តឹងរបស់សព នាងរស់នៅស្រុកស្ទោង បានបញ្ជាក់ថា កាលពីល្ងាចថ្ងៃទី១០ ខែតុលា រូបនាង និងគូដណ្តឹងដែលជាជនរងគ្រោះបាននាំគ្នាទៅចូលរួមនៅក្នុងកម្មវិធីឡើងគេហដ្ឋានរបស់បងប្អូន ស្ថិតនៅក្នុងភូមិចេក ឃុំកំពង់ចិនជើង ស្រុកស្ទោង នៅពេលចេញមកវិញក៏នាំគ្នាទៅដេកនៅផ្ទះរបស់នាង ។
លុះដល់ម៉ោងប្រហែល៤ទៀបភ្លឺ ខ្លួន និងគូដណ្តឹងក៏បានរួមភេទជាមូយគ្នាបានម្តង ហើយក៏ដេកនិយាយគ្នាលេងបានមួយសន្ទុះដល់ម៉ោងប្រហែល៥ទៀបភ្លឺ ស្រាប់តែគូដណ្តឹងរបស់នាងប្រាប់ខ្លួនថា «សូមអូនជួយច្របាច់ និងរឹតពោះឲ្យបងបន្តិចមក» ឮដូច្នេះនាងក៏ងើបរឹតពោះឲ្យបានបន្តិច បន្ទាប់មកក៏ឮសូរសំលេងត្រកៗ ភ្នែកឡើងបញ្ឈ នាងក៏ស្រែកហៅម្តាយនាង និងបងស្រីឲ្យមកជួយធ្វើចលនាបេះដូងឲ្យ និងបានតាមគ្រូពេទ្យមកជួយសង្គ្រោះតែគួរឲ្យអនិច្ចា និងរន្ធត់ចិត្តណាស់ នៅពេលដែលគ្រូពេទ្យមកដល់ពិនិត្យរួចប្រាប់ថា គូរដណ្តឹងរបស់នាងបានស្លាប់បាត់ទៅហើយ ។
ចំណែកឈ្មោះ ហ៊ន ហាក់ ត្រូវជាបងប្រុសបង្កើតសពប្រាប់ថា ប្អូនប្រុសខ្លួនកន្លងមកធ្លាប់មានជំងឺក្រពះធ្ងន់ធ្ងរ និងមានជំងឺបេះដូងកាលនៅបួសជាសង្ឃទើបសឹកមកព្យាបាលបានប្រហែលមួយឆ្នាំ ហើយក៏មកដណ្តឹងប្រពន្ធនៅភូមិកើតហេតុខាងលើនៅពុំទាន់ជាដាច់ពីជំងឺនោះទេ ។
ក្រោយពីទទូលបានព័ត៌មានកម្លាំងជំនាញបច្ចេកទេសខេត្ត លោកវេជ្ជបណ្ឌិតមន្ទីរសុខាភិបាលខេត្តបានសហការជាមួយកម្លាំងជំនាញបច្ចេកទេលស្រុក លោកមេភូមិ មេប៉ុស្តិ៍ បានចុះដល់កន្លែងកើតហេតុធ្វើការពិនិត្យសព ពុំមានស្លាកស្នាមអ្វីពាក់ព័ន្ធករណីឃាតកម្មឡើយពិតជាស្លាប់ដោយសាជំងឺគាំងបេះដូងពិតប្រាកដមែន ក៏ប្រគល់ជូនក្រុមគ្រូសារយកធ្វើបុណ្យតាមប្រពៃណី ៕
ចែករំលែកព័តមាននេះ