តារាសម្តែង-ចម្រៀងសិចសីុបង្ហាញដើមទ្រូងទាក់ភ្នែកមិនចាញ់តារាសិចសីុ កុល ដាវី, ឆៃលី ដាឡែន…គឺនាងប៊ុន ផៃលីន នាពេលថ្មីៗនេះបានបង្ហាញនូវអារម្មណ៍ក្រេវក្រោធចំពោះប្រភពព័ត៌មានថា នាងយកសម្រស់សិចសីុទាក់ប្រុស និងដូរប្រុសដូចដូរសម្លៀកបំពាក់ និងថា កំពុងជំពប់ស្នេហ៍ជាមួយបុរសវ័យ៥០ប្លាយឆ្នាំម្នាក់នៅអូស្ត្រាលីដែលជាជង្រុកផ្តល់ទ្រព្យសម្បត្តិដល់នាង…ប៉ុន្តែរឿងនេះនាងសារភាពថាអាចនឹងយល់ព្រមទទួលការស្រឡាញ់ពីគាត់។
យ៉ាងណាក៏ដោយមហាគ្រួសារសូមឈរនៅចំណុចកណ្តាល និងបង្ហាញការយល់ឃើញថា «គ្មានបញ្ហាអ្វីសម្រាប់នាងផៃលីននោះទេ ពីព្រោះវាគឺជាជីវិតឯកជន»អ្នកណាក៏តែងតែមានជីវិតឯកជនខ្លះដែរ។តារាលេងខ្លួនសិចសីុ ប៊ុន ផៃលីន ធ្លាប់ប្រកាសឱ្យដឹងថា នៅពាក់កណ្តាលខែឧសភានេះនាងមានគម្រោងចេញទៅច្រៀង និងសម្តែងនៅប្រទេសបារាំងរយៈពេលប្រហែលមួយខែ ឬលើសនេះ គឺចេញដំណើរនៅថ្ងៃទី១៤ ឧសភា ២០១៣ តាមរយៈការអញ្ជើញរបស់សមាគមខ្មែរនៅទីនោះ។ នៅក្នុងដំណើរទស្សនកិច្ចលើវិស័យបទចម្រៀងរបស់កញ្ញាលេងដើមទ្រូង ប៊ុន ផៃលីន នេះហើយដែលធ្វើឱ្យគេសង្ស័យថា នាងនឹងឆ្លៀតបង្វិលទិសដៅទៅជួបបុរសអ្នកមានប្រាក់ជាអាណិកជនអាយុ៥៨ឆ្នាំនៅអូស្ត្រាលីជាពុំខាន ខណៈពេលវិលមកពីបារាំងវិញ ពីព្រោះតែនាងធ្លាប់មានទំនាក់ទំនងសេ្នហាជាមួយបុរសរូបនោះ ហើយបុរសនោះតែងតែទំនុកបំរុងនាង។
បើទោះបីកន្លងមកតារាសម្តែងចូលចិត្តសម្ញែងដើមទ្រូង ប៊ុន ផៃលីន ទទួលរងនូវព័ត៌មានព្យុះភ្លៀងវាយប្រហារមកលើរូបនាងថា ជាតារាម្នាក់ដែលបានដូរប្រុសជាញឹកញាប់ដូចដូរសំលៀកបំពាក់ក៏ដោយ ប៉ុន្តែការងារនៅក្នុងអាជីពសិល្បៈរបស់នាងនៅតែទទួលបានជោគជ័យជាបន្តបន្ទាប់ដដែល ដោយក្នុងពេលនេះនាងកំពុងតែមានវត្តមានសម្តែងនៅប្រទេសបារាំងក្នុងបេសកកម្មរកប្រាក់លើវិស័យចម្រៀង ។ ជោគជ័យទាំងនោះបានធ្វើឱ្យតារាសម្ញែងដើមទ្រូងម្នាក់នេះមិនបានគិតនូវរឿងរ៉ាវទាំងឡាយដែលពាក់ព័ន្ធទៅនឹងជីវិតឯកជនរបស់នាងឡើយ បើទោះបីជាកន្លងមកនាងធ្លាប់បានខកស្នេហ៍ចំនួន៣លើកមកហើយក្តី ក៏មិនមានអ្វីគួរឱ្យឈឺចាប់ទៀតដែរ។
ដំបៅស្នេហ៍ត្រូវតែយកស្នេហ៍ថ្មីមកជំនួស រឿងកន្លងហួសត្រួសត្រាយជីវិត ប៊ុន ផៃលីន សារភាពថា នាង និងបុរសអាណិកជនអូស្ត្រាលីម្នាក់នោះបានស្គាល់គ្នានៅក្នុងពេលដែលនាងចេញទៅសម្តែងនៅក្នុងប្រទេសអូស្ត្រាលីកាលពីអំឡុងខែធ្នូ ឆ្នាំ២០១២កន្លងមក ហើយជារឿយៗបុរសម្នាក់នោះតែងតែជួយឧបត្ថម្ភដល់រូបនាងគ្រប់បែបយ៉ាង ។ បុរសម្នាក់នោះតែងតែព្យាយាមឱ្យនាងដើរចេញពីសិល្បៈ និងឱ្យទៅរកការងារថ្មីវិញ ហើយគាត់បានសន្យានឹងជួយនាងគ្រប់បែបយ៉ាងទាំងអស់ ។ ជាងនេះទៅទៀតបុរសរូបនោះបានសន្យានឹងធានារូបនាងឱ្យទៅរស់នៅជាមួយក្នុងប្រទេសអូស្ត្រាលីក្នុងរយៈពេលមួយឆ្នាំទៀត ។
ទោះជាយ៉ាងណា ប៊ុន ផៃលីន មិនសូវជ្រួលជ្រើមទៅនឹងបញ្ហាទាំងអស់នេះឡើយ ដោយនាងអះអាងថា នាងហាក់មិនសូវជាចូលចិត្ត និងស្រឡាញ់បុរសម្នាក់នោះឡើយ ហើយជារឿយៗនាងតែងតែសុំផ្តាច់ទំនាក់ទំនងជាមួយបុរសនោះថែមទៀតផង ប៉ុន្តែបុរសរូបនោះនៅតែមិនទទួលយក ហើយនៅតែបន្តតាមមកទាក់ទងស្រឡាញ់នាងដដែល ។
សំរួលអារម្មណ៍បន្តិច នាង ប៊ុន ផៃលីន និយាយសំរួលឡើងវិញថា ប្រសិនបើគេចវេះដល់ទីទ័ល និងដោយជាប់ក្លេពីបុរសរូបនោះរើខ្លួនមិនរួច នាងអាចនឹងគិតពិចារណាឡើងវិញអំពីបញ្ហាមួយនេះ ខណៈពេលដែលក្រុមគ្រួសាររបស់នាងបានជំរុញនាងឱ្យទទួលយកបុរសម្នាក់នោះផងដែរ។ បើគាត់តាមយើងស្អិតបែបនេះទៅហើយ ចង់មិនចង់ត្រូវតែសម្រេចតាមចិត្តគាត់ និងចាស់ទុំដោយចៀសមិនរួច ដោយសារគាត់ស្រឡាញ់យើង និងតាមយើងស្អិតយ៉ាងនេះទៅហើយនោះ… «ស៊ូរៀបការជាមួយអ្នកដែលស្រឡាញ់យើង ប្រសើរជាងរៀបការជាមួយអ្នកដែលយើងស្រឡាញ់» ៕
ចែករំលែកព័តមាននេះ