ខេត្តសៀមរាប ៖ ភ្ញៀវទេសចរដែលចូលមកកម្សាន្តតាមរមណីដ្ឋាន នៅក្នុងទឹកដីប្រវត្តិសាស្ត្រ នៃខេត្តសៀមរាប ក្នុងឱកាសបុណ្យភ្ជុំបិណ្ឌរយៈពេល៣ថ្ងៃនេះ មានជាង២៥ម៉ឺននាក់ កើនឡើងជិត៥០ភាគរយ បើធៀបនឹងរយៈពេលដូចគ្នា កាលពីឆ្នាំ២០១៧…
ខេត្តសៀមរាប ៖ ភ្ញៀវទេសចរដែលចូលមកកម្សាន្តតាមរមណីដ្ឋាន នៅក្នុងទឹកដីប្រវត្តិសាស្ត្រ នៃខេត្តសៀមរាប ក្នុងឱកាសបុណ្យភ្ជុំបិណ្ឌរយៈពេល៣ថ្ងៃនេះ មានជាង២៥ម៉ឺននាក់ កើនឡើងជិត៥០ភាគរយ បើធៀបនឹងរយៈពេលដូចគ្នា កាលពីឆ្នាំ២០១៧ ដែលមានចំនួន ១៧១.៦៤៧ នាក់ ។
បើតាមប្រសាសន៍របស់លោក ង៉ូវ សេងកាក់ ប្រធានមន្ទីរទេសចរខេត្តសៀមរាបបានឱ្យដឹងថា ក្នុងពិធីបុណ្យភ្ជុំបិណ្ឌរយៈពេល៣ថ្ងៃឆ្នាំនេះមានភ្ញៀវទេសចរសរុបមានចំនួន ២៥២.៤២២នាក់ បានមកកម្សាន្តនៅតាមរមណីយដ្ឋាននានាក្នុងខេត្តសៀមរាប ដែលចំនួននេះមានការកើនឡើងជិត ៥០ភាគរយ បើធៀបនឹងរយៈពេលដូចគ្នា កាលពីឆ្នាំ២០១៧ ដែលមានចំនួន ១៧១.៦៤៧ នាក់ ។
លោក ង៉ូវ សេងកាក់ បានបញ្ជាក់ទៀតថា ក្នុងចំណោមទេសចរជាង២៥ម៉ឺននាក់នេះមានភ្ញៀវទេសចរអន្ដរជាតិជាង២ម៉ឺននាក់កើនឡើងជាង៣ភាគរយធៀបនឹងឆ្នាំ២០១៧ និងទេសចរជាតិ សរុប២៣ម៉ឺននាក់កើនឡើងជាង៥៣ភាគរយធៀបនឹងរយៈពេលដូចគ្នា កាលពីឆ្នាំ២០១៧ ៕
ចែករំលែកព័តមាននេះ