តារាកំប្លែងដែលលេចមុខលើកញ្ចក់ទូរទស្សន៍បាយ័នក្នុងនាទីកំប្លែងប្រចាំសប្តាហ៍ជាមួយនាយក្រឹម បានជួយរឿងក្នុងគ្រួសារ ដោយសារតែកូនស្រីរបស់នាងធ្លាក់ខ្លួនឈឺជាទម្ងន់ រហូតចំណាជាច្រើនរាល់របស់របរដែលសន្សំបាន។ ហើយប្រហែលជាមិនអាចទ្រាំជាមួយការខ្វះខាតតទៅទៀតបាន នាងកាច្រិប សុខចិត្តទម្លាយរឿងខ្លួនជាសាធារណៈដោយរំពឹងថា អ្នកសិល្បៈស្គាល់រូបនាង និងមហាជនអាណិតជួយសង្គ្រោះគ្រាមានបញ្ហានេះ។
ក្នុងសំឡេងខ្សាវៗអួលដើមកនាងលី សម្បត្តិ ហៅកាច្រិប បាននិយាយប្រាប់អ្នកយកព័ត៌មានយើងថា កូនស្រីរបស់នាងមានជំងឺសួតធ្ងន់ធ្ងររយៈពេល៥ទៅ៦ខែមកហើយ ដោយសម្រាកព្យាបាលនៅមន្ទីរពេទ្យនាខេត្តសៀមរាប។ រយៈពេល៦ខែនាងផ្តាច់សិល្បៈចេញទៅមើលកូនស្រី ហើយសន្សំប្រាក់បានចេះតែចំណាយជាប្រចាំគ្មានចំណូល ហើយការចាយកាន់តែច្រើនទៅៗ រហូតលក់របស់ដែលមាន សូម្បីតែទូរស័ព្ទក៏លក់ ដាច់ការទាក់ទងជាមួយសិល្បៈអស់។
នាងកាច្រិបនិយាយទាំងមិនបានកុហកដោយយកបារមីព្រះអង្គដងកើ ជាសាក្សីថា «មាស ប្រាក់លក់មើលកូនអស់ហើយឲ្យតែកូនជា។ លុះកូនធូរនាងឈឺម្តង ដល់ពេលខ្លួនឈឺគ្មានលុយមើលទេ សូម្បីតែទូរស័ព្ទឆាតប្រាប់គេលក់ឲ្យគេតម្លៃ៣០ដុល្លារ ក៏គ្មានគេទិញផង។ នាងបន្តថា ពេលនេះគ្មានបាយហូបទេ កុំតែស្ទុះរកលេខមិត្តភក្តិស្គាល់គ្នានៅភ្នំពេញ ដោយគេឲ្យ២០ដុល្លារ កុំអីគ្មានអីហូបទេ»។
ទាក់ទងទៅនាយក្រឹមជាមេគាត់អាណិតដែរថា ចាំភ្ជុំចប់ឲ្យនាងថត ក្រែងមានសាច់រឿងណាថតបាន ហ្នឹងហៅថតជាមួយ ។ ព្រោះតែអត់ពេល នាងលែងខ្មាស់គេ ហើយសុខចិត្តទម្លាយ បើទោះពីមុននាងទៅណាមកណា មានរបស់ប្រើ ស្លៀកពាក់ស្អាតៗ ហើយសម្តែងម្តងៗនាងមានគេឲ្យលុយ។ ប៉ុន្តែពេលនេះនាងសុំត្រឹមតែរស់សិន បើមានកម្លាំង និងខំធ្វើការ បើមានគេអាណិត នាងយកលុយព្យាបាលខ្លួនឯងឲ្យជា ហើយសុំបងក្រឹមលេងកំប្លែងឡើងវិញ។ ក្នុងមួយជាតិនេះ មិនដែលធ្លាក់ខ្លួនរកមួយកាក់មួយសេនគ្មានចឹងសោះ ពឹងមាមីងក៏គ្មានទៀត ខ្លួនក៏ជាកូនកំព្រាដល់ជួបចឹង ពិបាកក្នុងខ្លួនណាស់។
ចែករំលែកព័តមាននេះ