បុគ្គលខ្លះមិនស្គាល់អ្វីជាបាប
ការងារអាក្រក់មានច្រើនណាស់ ដែលបុគ្កលធ្វើហើយតែមិនបានគិតថា វាជាអំពើបាបនោះទេ ព្រោះយល់ថា ខ្លួនមិនបានទៅវាយធ្វើបាបគេ ខ្លួនមិនទៅសម្លាប់ជីវិតគេឯណា ។ ពិតណាស់បាប ប្រែថា អំពើអាក្រក់…
ការងារអាក្រក់មានច្រើនណាស់ ដែលបុគ្កលធ្វើហើយតែមិនបានគិតថា វាជាអំពើបាបនោះទេ ព្រោះយល់ថា ខ្លួនមិនបានទៅវាយធ្វើបាបគេ ខ្លួនមិនទៅសម្លាប់ជីវិតគេឯណា ។
ពិតណាស់បាប ប្រែថា អំពើអាក្រក់ អំពើលាមក មិនប្រសើរ ចិត្តបាប បូករួមទាំងអ្នកមានចិត្តបៀតបៀនគេ ឈ្នានីសគេ និយាយដើមគេ ច្រណែនគេ ទាំងអស់នេះហើយជាបាប។ ប៉ុន្តែមានមនុស្សជាច្រើន ពេលទំនេរក៏ទៅអង្គុយនិយាយពីនេះខ្លះ ពីនោះខ្លះ អ្នកនេះមិនល្អយ៉ាងនេះ អ្នកនោះអាក្រក់យ៉ាងនេះ យ៉ាងនោះជាដើម នេះគឺជាការងារដ៏អាក្រក់មួយ តែបែរជាបុគ្គលមិនបានគិតថាវាជាអំពើបាបទៅវិញ ព្រោះអវិជ្ជាគ្របសង្កត់ ។
តាមពិតទៅអំពើបាបមិនមែនទាល់តែអ្នកទៅសម្លាប់ជីវិតគេនោះទេ មិនបានសម្លាប់គេក៏មានបាបដូចគ្នាដូចជា យើងមានគំនិតមិនល្អ ការទៅនិយាយដើមគេ ការបៀតបៀនគេ ច្រណែនឈ្នានីសគេ ព្យាបាទគេ…ទាំងនេះសុទ្ធតែជាអំពើបាបពិតៗ ពោលគឺនរណានៅមានអកុសលមូល លោភៈ ទោសៈ មោហៈ បាបនឹងមាននៅក្នុងបុគ្គលនោះ ហើយអពមង្គលក៏កើតឡើងក្នុងពេលដំណាលគ្នាដែរ ។
ព្រះបរមសាស្តាព្រះអង្គទ្រង់មិនសរសើរការងារណា ដែលជាការងារមិនល្អ ការងារមានទោសនាំមកនូវសេចក្តីវិនាស នាំមកនូវអពមង្គលនោះឡើយ ។
ចែករំលែកព័តមាននេះ