ថ្វីបើនរកប្រេតមាននៅក្នុងខ្លួនយើងនេះយ៉ាងពិតប្រាកដក៏ដោយ ក៏បុគ្គលខ្លះមើលមិនឃើញដែរ ការមើលមិនឃើញនេះព្រោះតែអវិជ្ជាគ្របសង្កត់ហ្នឹងឯង។ ព្រះពុទ្ធបរមគ្រូនៃយើងលោកឱ្យពិចារណានូវភាសិតដូចតទៅនេះ ។ ម្នាលភិក្ខុទាំងឡាយ មិនមាននរកឯណា ដែលមានកំដៅខ្លាំងក្លាជាងនរកគឺ រូប សំឡេង…
ថ្វីបើនរកប្រេតមាននៅក្នុងខ្លួនយើងនេះយ៉ាងពិតប្រាកដក៏ដោយ ក៏បុគ្គលខ្លះមើលមិនឃើញដែរ ការមើលមិនឃើញនេះព្រោះតែអវិជ្ជាគ្របសង្កត់ហ្នឹងឯង។ ព្រះពុទ្ធបរមគ្រូនៃយើងលោកឱ្យពិចារណានូវភាសិតដូចតទៅនេះ ។
ម្នាលភិក្ខុទាំងឡាយ មិនមាននរកឯណា ដែលមានកំដៅខ្លាំងក្លាជាងនរកគឺ រូប សំឡេង ក្លិន រស សម្ផស្សទាំងឡាយដែលគេមិនត្រូវការ មិនស្រឡាញ់ មិនចូលចិត្តនោះទេ។ របស់អស់ទាំងនេះហើយគឺជាកន្លែងមានកំដៅយ៉ាងខ្លាំងសម្បើមនោះ។
ម្នាលភិក្ខុទាំងឡាយ នៅមានទៀត នរកដែលខ្លាំងក្លាជាងនេះ គួរឲ្យខ្លាចជាង គឺបុគ្គលណាដែលមិនដឹងតាមសេចក្ដីពិត មិនដឹងនូវអរិយសច្ចៈ៤ គេរមែងត្រេកអរក្នុងសង្ខារទាំងឡាយ កាលណាគេមានសេចក្ដីត្រេកអរក្នុងសង្ខារទាំងឡាយ គេរមែងវិលកើត កាលគេមានការកើតក៏រមែងមានការចាស់ ការឈឺ ការស្លាប់ សេចក្ដីសោក ខ្សឹកខ្សួល ទុក្ខកាយ ទុក្ខចិត្ត សេចក្ដីថ្នាំងថ្នាក់ចិត្ត និងការចង្អៀតចង្អល់ចិត្ត គេរួចចាកសេចក្ដីទុក្ខទាំងអស់នេះពុំបានឡើយ។
ម្នាលភិក្ខុទាំងឡាយនេហើយជានរកដែលយើងថាក្ដៅណាស់គួរឲ្យខ្លាចណាស់។ សូមកុំភ្លេចថា នរកទាំងអស់មានតែនៅក្នុងបុគ្គលដែលល្ងិតល្ងង់ បុគ្គលដែលជ្រប់ងប់លិចលង់ក្នុងកាមគុណទាំងឡាយ និងបុគ្គលជាមិច្ឆាទិដ្ឋិប៉ុណ្ណោះ។ ចំណែកព្រះអរិយបុគ្គលទាំងឡាយ មានសោតាបន្នបុគ្គលជាដើម ថ្វីបើលោកនៅមានរាគៈក៏ពិតមែន ប៉ុន្តែលោកលែងធ្លាក់នរកទៀតហើយ ព្រោះចិត្តរបស់លោកបានធ្លាក់ចុះក្នុងផ្នត់នៃធម៌ហើយ ។
ចែករំលែកព័តមាននេះ