ព្រះពុទ្ធសាសនាតែងលើកយកកម្មផលមកបង្ហាញដល់មនុស្សទូទៅថា ពិតជាមានអញ្ចឹងមែន ដើម្បីឱ្យមានការខ្លាច ញញើតនឹងអំពើអាក្រក់ អំពើទុច្ចរិត ហើយងាកមកប្រព្រឹត្តតែអំពើល្អ អំពើជាបុណ្យកុសល ការងារណាដែលមានប្រយោជន៍ដល់ខ្លួន និងមហាជន ។
ទ្រឹស្តីដែលបរិស័ទចាំមិនអាចបំភ្លេចបានត្រង់ចំណុចថា ធ្វើល្អបានល្អ ធ្វើអាក្រក់បានអាក្រក់ ដែលជាពុទ្ធភាសិតដ៏មានប្រសិទ្ធភាពបំផុតដក់ជាប់នៅក្នុងសន្តានមហាជនតរៀងមក ។
ខាងក្រោមនេះជាកម្ម៣យ៉ាងគឺៈ
១-កម្មស្សកោម្ហិ សត្វលោកតែងមានកម្មជារបស់ខ្លួន
២-កម្មយោនី ជាអ្នកមានកម្មជាកំណើត
៣-កម្មទាយាទោ មានកម្មជាទាយាទ គឺអ្នកបន្តកម្មរបស់ខ្លួនគ្មានទីបំផុត។
កម្មទាំងបីប្រការនេះគ្មានសត្វលោកណាចៀសផុតគេចរួចនោះឡើយ គឺគ្រប់គ្នាតែងមានកម្មជារបស់ខ្លួន មានកម្មជាកំណើត មានកម្មជាពូជបន្តពីមួយជាតិទៅមួយជាតិជារៀងរហូត វៀរលែងតែព្រះខីណាស្រពទើបលោកអស់កម្មទាំងបីនេះ ចូលទៅដល់ទីបរមសុខ ។
ចែករំលែកព័តមាននេះ