ក្រូចឆ្មារក្រៅពីប្រើធ្វើម្ជូរសំរាប់ម្ហូបអាហារ គេអាចកែច្នៃធ្វើក្រូចង៉ាំង៉ូវបានយ៉ាងឆ្ងាញ់ពិសារ ។ ក្រូចង៉ាំង៉ូវ គេអាចប្រើធ្វើភេសជ្ជៈ ឬស្ងោរជ្រក់មាន់ ។ ជាក់ស្ដែង អ្នកស្រីចាន់ សាវុន ជាបុគ្គលិកអង្គការសេដាក គាត់មានបទពិសោធយ៉ាងល្អក្នុងការធ្វើក្រូចង៉ាំង៉ូវ ។ បទពិសោធន៍នេះ យើងសូមបង្ហាញជូនដូចខាងក្រោមនេះ ៖
១-ធាតុផ្សំ
-ក្រូចឆ្មារទុំល្មមចំនួន៥គីឡូក្រាម
-អំបិលចំនួនកន្លះស្លាបព្រា
-ស្ករសចំនួន២គីឡូក្រាម ។
២-របៀបធ្វើ
-ក្រូចឆ្មារទុំយកមកលាងទឹកឱ្យបានស្អាត
-ដាំទឹកឱ្យពុះ យកក្រូចឆ្មារមកដាក់ចូល ក្នុងទឹករក្សាទុកចំនួន២នាទី ស្រង់ដាក់ក្នុង កញ្ច្រែង រួចយកទៅហាលថ្ងៃឱ្យទន់ដែល យើងអាចច្របាច់ក្រូចពីម្ខាងទៅជិតដល់ម្ខាង ទៀតបាន
-យកស្ករ និងអំបិលទៅលាយគ្នាឱ្យសព្វ រួចយកមកច្របល់ជាមួយក្រូចឱ្យបានសព្វ បន្ទាប់មកយកទៅតំរៀបគ្នាដាក់ក្នុងកែវ
-ការតំរៀបគ្នាគឺធ្វើយ៉ាងណាកុំឱ្យពេញ ដល់គំរបមាត់កែវ គឺរក្សាទុកប្រមាណជា មួយថ្នាំងដៃដើម្បីឱ្យក្រូចចេញទឹក
-បន្ទាប់មកគ្របកែវឱ្យជិតរួចយកទៅ ហាលថ្ងៃ ដើម្បីឱ្យក្រូចង៉ាំង៉ូវឆាប់បរិភោគ បាន មិនហាង (ការហាលមានរយៈពេលពី ៥ទៅ៧ថ្ងៃ រួចយកមករក្សាទុកនៅក្នុងម្លប់ រហូតដល់១៥ថ្ងៃ ទៅ១ខែ ទើបអាចយកទៅ ហូបបាន) ។
៣-កំណត់សំគាល់
-ការធ្វើក្រូចង៉ាំង៉ូវរបៀបនេះយើងអាច រក្សាទុកបានរហូតដល់រយៈពេល១ទៅ២ឆ្នាំ
-គេអាចប្រើប្រាស់ក្រូចង៉ាំង៉ូវនេះយក ទៅធ្វើជាម្ហូបបាន (ទាំងទឹក និងសាច់)
-ចំពោះសាច់ក្រូចគឺមានលក្ខណៈដូច ដំណាប់ក្រូចឆ្មារផងដែរ ៕ (ដកស្រង់ចេញពីទស្សនាវដ្តីកសិកររបស់អង្គការសេដាក)
ចែករំលែកព័តមាននេះ