ខេត្តកណ្តាល ៖ យ៉ាងហោចណាស់មនុស្សម្នាក់បានស្លាប់ និងម្នាក់ទៀតរងរបួសធ្ងន់ ខណៈដែលបើកម៉ូតូធ្វេសប្រហែសមិនប្រកាន់ស្តាំរំលោភចូលទៅចំណែកផ្លូវនៃរថយន្តបុកចំពេញទំហឹងតែម្តង ។ ហេតុការណ៍គ្រោះថ្នាក់ចរាចរណ៍នេះបានកើតឡើងនៅថ្ងៃទី០៧ ខែតុលា ឆ្នាំ២០១៨ វេលាម៉ោង០៦និង២៥នាទីយប់ នៅចំណុចភូមិព្រែកប៉ុល ឃុំបន្ទាយដែក ស្រុកកៀនស្វាយ ខេត្តកណ្តាល ។
សាក្សីបានអោយដឹងថា ករណីនេះកើតឡើងរវាង ម៉ូតម៉ាក MSX ពណ៌ខ្មៅ គ្មានស្លាកលេខ ជិះដោយយុវជន២នាក់មិនស្គាល់អត្តសញ្ញាណ លុះពេលបើកមកដល់កន្លែងកើតហេតុខាងលើ បានមកបុករថយន្ត ម៉ាក TOYOTA ពាក់ផ្លាកលេខ ភ្នំពេញ AI-៨១៩៨ ពណ៌ប្រផេះ ដែលមានទិសដៅភ្នំពេញអ្នកលឿងពេញទំហឹង អ្នកបើកបររថយន្តរត់គេចខ្លួនបាត់ស្រមោលបណ្តាលឲ្យស្លាប់១នាក់នៅកន្លែងកើតហេតុ និងរបួសធ្ងន់១នាក់ រួចបានបញ្ជូនយកទៅព្យាបាលនៅភ្នំពេញ ។ ចំណែកឯម៉ូតូ និងរថយន្តបានយកទៅរក្សាទុកនៅអធិការដ្ឋាននគរបាលស្រុកកៀនស្វាយ ៕
ចែករំលែកព័តមាននេះ