ខេត្តកណ្តាល ៖ បុរសជាជាងជួសជុលរថយន្តម្នាក់ក្នុងស្ថានភាពស្រវឹងស្រាបានលោតទឹកបណ្តាលឱ្យលង់ស្លាប់ ហេតុការណ៍នេះបានកើតឡើងនៅថ្ងៃទី០៧ ខែតុលា ឆ្នាំ២០១៨ វេលាម៉ោង០២និង៣០នាទីរសៀល នៅចំណុចស្ពានបឹងរមាស់ ភូមិព្រែកជីក ឃុំកោះចិន ស្រុកពញាឮខេត្តកណ្តាល ។
ជនរងគ្រោះឈ្មោះ ឈឹម រ៉ាវី ភេទប្រុស ជនជាតិខ្មែរ មុខរបរជាងជួសជុលរថយន្ត មានទីលំនៅសង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ។
តាមប្រភពពីសាក្សីបានអោយដឹងថា នៅវេលាម៉ោង និងថ្ងៃខែឆ្នាំកើតហេតុខាងលើជនរងគ្រោះដោយមានអាការស្រវឹងផង ហើយមិនចេះហែលទឹកបានលោតទឹកពីលើស្ពានលង់ស្លាប់តែម្តងដោយមិនដឹងពីមូលហេតុ ។ បច្ចុប្បន្នបានប្រគល់សពជូនគ្រួសារធ្វើបុណ្យតាមប្រពៃណីដោយក្តីអាឡោះអាឡៃ ៕
ចែករំលែកព័តមាននេះ