សាមញ្ញលក្ខណធម៌ទាំងឡាយក្នុងលោកនេះ ដែលសង្ខារតាក់តែងហើយរមែងកើតឡើង ហើយក៏រលត់ទៅវិញជាធម្មតា មិនបានស្ថិតស្ថេរទៀងទាត់យូរអង្វែងឡើយ យ៉ាងណាមិញមនុស្សគ្រប់រូបដែលកើតមកហើយ រមែងចម្រើនវ័យវឌ្ឍនាការជាកំលោះ ក្រមុំ មានរូបសម្រស់ស្រស់ស្អាត ។ លុះតាំងនៅមិនយូរប៉ុន្មានរូបសម្រស់ដ៏ស្រស់ឆើតឆាយនោះក៏ចាប់ផ្តើមរោយស្រពោន…
សាមញ្ញលក្ខណធម៌ទាំងឡាយក្នុងលោកនេះ ដែលសង្ខារតាក់តែងហើយរមែងកើតឡើង ហើយក៏រលត់ទៅវិញជាធម្មតា មិនបានស្ថិតស្ថេរទៀងទាត់យូរអង្វែងឡើយ យ៉ាងណាមិញមនុស្សគ្រប់រូបដែលកើតមកហើយ រមែងចម្រើនវ័យវឌ្ឍនាការជាកំលោះ ក្រមុំ មានរូបសម្រស់ស្រស់ស្អាត ។ លុះតាំងនៅមិនយូរប៉ុន្មានរូបសម្រស់ដ៏ស្រស់ឆើតឆាយនោះក៏ចាប់ផ្តើមរោយស្រពោន ស្រកស្រុតទៅតាមកាលវេលា ទៅតាមលំនាំនៃច្បាប់ធម្មជាតិ ទុកជាចង់ឬមិនចង់ក៏មិនអាចប្រកែកបានឡើយ ។
តែចំណែកគុណធម៌វិញ ពោលគឺសេចក្តីល្អដែលមនុស្សបានធ្វើហើយរមែងចម្រើនកើនឡើងជារឿយៗទៅតាមកាលវេលា ដោយមិនចេះស្រកស្រុតអាប់អន់សោះឡើយ។ វេលាកាន់តែយូរឆ្ងាយ ការកសាងគុណធម៌កាន់តែបានច្រើន សេចក្តីចម្រើនក្នុងផ្លូវសុខក៏មានច្រើនឡើងជាភិយ្យោភាព គឺចម្រើនតាំងពីលោកនេះរហូតដល់លោកខាងមុខ។
ព្រោះតែសេចក្តីនេះហើយទើបមានគម្ពីរព្រះពុទ្ធសាសនាបានចារទុកជាគតិឲ្យយើងបានពិចារណាប្រព្រឹត្តតែអំពើជាកុសល ប្រារព្ធសេចក្តីមិនប្រមាទ និងព្យាយាមធ្វើតែអំពើល្អ កសាងគុណធម៌ដើម្បីសេចក្តីចម្រើនតរៀងទៅ។
ចែករំលែកព័តមាននេះ