ខេត្តបន្ទាយមានជ័យ ៖ ដើម្បីអបអរសាទរក្នុងពិបុណ្យភ្ជុំបិណ្ឌនៅថ្ងៃចុងសប្តាហ៍នេះ លោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យ បានដឹកនាំកងកម្លាំងនគរបាលការិយាល័យជំនាញចំណុះស្នងការដ្ឋាន និងកម្លាំងនគរបាលនៃអធិការដ្ឋាននគរបាលក្រុងសិរីសោភ័ណបានធ្វើពលកម្មសម្អាតអនាម័យនៅសួនច្បារខាងត្បូង និងខាងជើងក្បាលស្ពានទឹកសែសិនរង្វល់មូលព្រះម៉ែគ្រប់ល័ក្ខ…
ខេត្តបន្ទាយមានជ័យ ៖ ដើម្បីអបអរសាទរក្នុងពិបុណ្យភ្ជុំបិណ្ឌនៅថ្ងៃចុងសប្តាហ៍នេះ លោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យ បានដឹកនាំកងកម្លាំងនគរបាលការិយាល័យជំនាញចំណុះស្នងការដ្ឋាន និងកម្លាំងនគរបាលនៃអធិការដ្ឋាននគរបាលក្រុងសិរីសោភ័ណបានធ្វើពលកម្មសម្អាតអនាម័យនៅសួនច្បារខាងត្បូង និងខាងជើងក្បាលស្ពានទឹកសែសិនរង្វល់មូលព្រះម៉ែគ្រប់ល័ក្ខ និងមុខស្នងការដ្ឋាននគរបាលខេត្តក្នុង ក្រុងសិរីសោភ័ណ ខេត្តបន្ទាយមានជ័យ ។
លោកឧត្តមសេនីយ៍ទោ អាត់ ខែម ស្នងការនគរបាលខេត្តបានឲ្យដឹងថា បញ្ហាសោភ័ណភាព និងបរិស្ថាន ជាកត្តាសំខាន់ដែលយើងទាំងអស់គ្នាត្រូវតែយកចិត្តទុកដាក់រួមគ្នាក្នុងការធ្វើពលកម្ម សម្អាតអនាម័យ ឲ្យបានល្អ ដើម្បីជាសោភ័ណភាពផង ជាបរិស្ថានល្អផង និងជាពិសេសគឺដើម្បីសុខភាពខ្លួន ឲ្យតែបរិយាកាសនៅជុំវិញខ្លួនល្អ សុខភាពរបស់យើងក៏ល្អ ។
លោកឧត្តមសេនីយ៍ទោ អាត់ ខែម បានបញ្ជាក់ថា ដើម្បីចូលរួមអបអរសាទរក្នុងឱកាសបុណ្យកាន់ វេនបិណ្ឌ និងភ្ជុំបិណ្ឌនេះ មានភ្ញៀវជាតិ និងអន្តរជាតិ បានធ្វើដំណើរទៅមកឆ្លងកាត់ ភូមិសាស្ត្រខេត្តបន្ទាយមានជ័យ ដូច្នេះយើងក៏ត្រូវទាមទារឲ្យខេត្តរបស់មានសោភ័ណភាពល្អ ជាពិសេសគឺសួនច្បារ ដែលនៅអមផ្លូវជាតិ យើងត្រូវតែធ្វើការកាត់ស្មៅ បោសសម្អាតឲ្យបានស្អាត ដើម្បីភ្ញៀវជាតិ ឬ អន្តរជាតិគេមើលមកឃើញសួនច្បារនេះគឺ មានការថែទាំបានល្អ ។
ជាមួយគ្នានោះដែរ លោកឧត្តមសេនីយ៍ស្នងការក៏បានអំពាវនាវដល់បងប្អូនប្រជាពលរដ្ឋ នៅជិតសួនច្បារទាំងសងខាងឲ្យជួយមើលសម្អាតផងដែរចៀសវាងការចោលនូវកាកសំណល់ដូចជាថង់ប្លាស្ទិក ឬកាកសំណល់ផ្សេង គឺត្រូវឲ្យមានធុងសម្រាមសម្រាប់ដាក់ ឲ្យបានត្រឹមត្រូវចៀសវាងការចោលផ្តេសផ្តាសដែលនាំឲ្យបង់នូវសោភ័ណភាពសួនច្បារក៏ដូចជាបាត់បងថ់នូវសោភ័ណភាពខេត្តយើងផងដែរ ។ ដូច្នេះដើម្បីសោភ័ណភាពល្អ បរិស្ថានល្អ សុខភាពល្អ គឺចាប់ផ្តើមពីយើងទាំងអស់គ្នា ៕
ចែករំលែកព័តមាននេះ